Բրիտանիա-Հայաստան Խորհրդարանական Խումբ

0 0
Read Time:35 Second

ԼՈՆՏՈՆ.- Յուլիս 1-ին գումարուեցաւ Բրիտանիա-Հայաստան խորհրդարանական խումբի անդրանիկ առցանց հանդիպումը, որուն մասնակցեցան նաեւ Բրիտանիոյ մէջ Հայաստանի Հանրապետութեան դեսպանատան ներկայացուցիչները:

Բրիտանիոյ Հայ դատի յանձնախումբի ղեկավար Անեթ Մոսկոֆեան նշանակուեցաւ խումբի քարտուղար: Իր խօսքին մէջ ան անդրադարձաւ տարբեր ուղղութիւններով խումբի կողմէ կատարուելիք աշխատանքներուն եւ անոր հետապնդած նպատակներուն` ընդգծելով նաեւ Հարաւային Կովկասի տարածաշրջանին մէջ անվտանգութեան գործօնը եւ խաղաղութեան պահպանման կարեւորութիւնը:

Խումբի ղեկավար ընտրուեցաւ Պահպանողական կուսակցութենէն երեսփոխան Թիմ Լոթընը:

Պարոնուհի Քարոլայն Քոքս (Լորտերու պալատ)  խումբին համանախագահն է: Անդամ են նաեւ երեսփոխաններ՝ Էնտրիւ Ռոզինտել, Ճէյմս Կրէյ, Մարք Փրիթչըրտ (Պահպանողական կուսակցութենէն), Ֆերիալ Քլարք եւ Ճէյմս Միւրէյ (Աշխատաւորական կուսակցութիւն):

Խումբին նպատակը պիտի ըլլայ առաւել զարգացնել հայ-բրիտանական խորհրդարանական կապերը եւ նպաստել երկկողմանի համագործակցութեան` առեւտուրի, զբօսաշրջութեան, կրթութեան զարգացման եւ այլ բնագաւառներու մէջ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՓԱՇԻՆԵԱՆ ՓԱԿԱԳԻԾԸ ՊԷՏՔ Է ՓԱԿՈՒԻ
Next post ԿԾԿՈՒՄ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles