Հ.Օ.Մ.-Ի ԿԵԴՐՈՆԱԿԱՆ ՎԱՐՉՈՒԹԵԱՆ ՆԱԽԱՁԵՌՆՈՒԹԵԱՄԲ ՄԻՋ-ՎԱՐՉԱԿԱՆ ԺՈՂՈՎ` ՊՈՍԹԸՆԻ ՄԷՋ

0 0
Read Time:2 Minute, 45 Second
Հ.Օ.Մ.-ի Կեդրոնական Վարչութեան եւ Գանատայի ու Ա.Մ.Ն. Արեւելեան ու Արեւմտեան շրջաններու Շրջանային վարչութեան անդամները
Հ.Օ.Մ.-ի Կեդրոնական Վարչութեան եւ Գանատայի ու Ա.Մ.Ն. Արեւելեան ու Արեւմտեան շրջաններու Շրջանային վարչութեան անդամները

Հայ Օգնութեան Միութեան Կեդրոնական վարչութեան կազմակերպութեամբ, Շաբաթ, Հոկտեմբեր 26, 2013ին, Պոսթընի արուարձաններէն` Ուաթըրթաունի “Բաբգէն Սիւնի“ ակումբին մէջ տեղի ունեցաւ Միջ-վարչական ժողով` Գանատայի, Ա.Մ.Ն. Արեւելեան եւ Արեւմտեան շրջաններու Շրջանային վարչութիւններու մասնակցութեամբ: Կեդրոնական Վարչութեան եւ նշեալ Շրջանային վարչութիւններու անդամներուն կողքին, հանդիպման նաեւ ներկայ էր Հ.Յ.Դ. Բիւրոյի անդամ` Յակոբ Տէր Խաչատուրեան:

Հ.Օ.Մ.-ի Կեդրոնական վարչութիւնը կը ներկայացնէ Հ.Օ.Մ.-ի ծրագիրները` Միջ-վարչական       ժողովի      մասնակիցներուն
Հ.Օ.Մ.-ի Կեդրոնական վարչութիւնը կը ներկայացնէ Հ.Օ.Մ.-ի ծրագիրները` Միջ-վարչական ժողովի մասնակիցներուն

Միօրեայ ժողովը բացուեցաւ Հ.Օ.Մ.-ի քայլերգի երգեցողութեամբ, որմէ ետք ՀՕՄ-ի Կեդրոնական վարչութեան ատենապետուհի` Վիգի Մարաշլեան բարի գալուստի խօսքերով ողջունեց ներկաները:

Ժողովականներու ծանօթացումէն ետք, Վիգի Մարաշլեան հակիրճ ձեւով ներկայացուց Միութեան  գործունէութիւնը եւ ներկայ ժողովի նպատակը:

Ժողովը յատկապէս կեդրոնացաւ Հ.Օ.Մ.-ի հետեւեալ ծրագիրներուն վրայ.- Ախուրեանի Հ.Օ.Մ.-ի Մօր ու Մանկան Առողջապահական Կեդրոն, Արցախի Հ.Օ.Մ.-ի “Սօսէ“ Մանկապարտէզներ, Հայոց Ցեղասպանութեան 100ամեակի յիշատակման ձեռնարկներ, Մ.Ա.Կ.-ի գործունէութիւն, Ռազմավարական Ծրագրում, Սուրիահայութեան օժանդակութեան ծրագիրներ, Ուղեկից եւ այլ կազմակերպութիւններու հետ փոխ-յարաբերական գործունէութիւն:

Հայաստանի ծրագիրներու նկատմամբ, Կեդրոնական վարչութեան անդամ` Ալեսիա Պեճանեան առաւել տեղեկութիւններ ներկայացուց, մինչ Մ.Ա.Կ.-ի ծիրէն ներս Հ.Օ.Մ.

-ի գործունէութեան մասին զեկուցեցին Կեդրոնական վարչութեան անդամներ` Փայլուն Կեցոյեան եւ Ռոզի Պետրոսեան:

ՀՕՄ-ի Ռազմավարական Ծրագրումի սկզբնական աշխատանքներուն մասին տեղեկութիւններ տուաւ Կեդրոնական վարչութեան անդամ` Կրասիէլա Գէորգեան, որմէ ետք Ռազմավարական Ծրագրումի յանձնախումբի անդամ` Նայիրի Տէրտէրեան ներկայացուց յանձնախումբին տարած աշխատանքը, ապագայ քայլերն ու հեռանկարները:

Հ.Օ.Մ.-ի Գանատայի եւ Ա.Մ.Ն. Արեւմտեան շրջանի Շրջանային վարչութիւններու անդամները
Հ.Օ.Մ.-ի Գանատայի եւ Ա.Մ.Ն. Արեւմտեան շրջանի Շրջանային վարչութիւններու անդամները

Ժողովի ընթացքին, համացանցի միջոցաւ Հալէպէն կապ հաստատեց Կեդրոնական վարչութեան անդամ` Զէփիիռ Է. Րէիսեան, որ զեկուցեց Սուրիոյ նոր մարտահրաւէրներուն եւ երկրին կենցաղային դժուարութիւններուն մասին, կեդրոնանալով Հ.Օ.Մ.-ի տարած աշխատանքներուն, օժանդակութեան, ինչպէս նաեւ Սուրիոյ բնակչութեան անմիջական կարիքներուն հետ կապուած նիւթերուն շուրջ:

Օրուան ընթացքին, իւրաքանչիւր նիւթի քննարկման ժամանակ առիթ տրուեցաւ հարցում-պատասխաններու եւ կարծիքներու փոխանակման:

Հ.Օ.Մ.-ի Գանատայի, Ա.Մ.Ն.-ի Արեւելեան եւ Արեւմտեան Շրջանային վարչութիւններու ատենապետուհիներ` Սեդա Մալխասեան, Անի Աթթար եւ Լենա Պօզոյեան, յաջորդաբար, ներկայացուցին իւրաքանչիւր շրջանի տարեկան գործունէութիւնը, ծրագիրները, արձանագրուած յաջողութիւններն ու դիմագրաւած դժուարութիւնները, միաժամանակ փոխանցելով իրենց ակնկալութիւններն ու թելադրանքները:

Ժողովի վերջին մասը յատկացուեցաւ Հ.Օ.Մ.-ի գործունէութեան բարելաւման հարցերու եւ անոնց հետ կապուած առաջարկներու. մասնաւորապէս ֆինանսական, կառուցային եւ կազմակերպական ոլորտներուն մէջ:

Ֆինանսական պատկերը ներկայացուց Կեդրոնական վարչութեան գանձապահ` Գարոլին Շմաւոնեան, մինչ կազմակերպութեան գործունէութեան քարոզչական ու հանգանակութեան ծրագիրներու նկատմամբ պրոշիւրներու պատրաստութեան մասին խօսք առաւ Կեդրոնական վարչութեան փոխ-ատենապետուհի` Նայիրի Շահինեան:

 

Հ.Օ.Մ.-ի Ա.Մ.Ն. Արեւելեան շրջանի Շրջանային վարչութեան կազմը
Հ.Օ.Մ.-ի Ա.Մ.Ն. Արեւելեան շրջանի Շրջանային վարչութեան կազմը

Գիտակից աշխարհատարած իր կառոյցի հզօրացման կարեւորութեան եւ հետեւելով Հ.Օ.Մ.-ի Համահայկական Ժողովի որոշումներուն, Կեդրոնական վարչութիւնը նախաձեռնեց այս հանդիպումը որպէս ցամաքամասային առաջին փորձ` նշեալ Շրջանային վարչութիւններու կողքին մէկտեղելով  նաեւ Ռազմավարական Ծրագրումի եւ Կանոնագրի յանձնախումբերը:

Հ.Օ.Մ.-ի միջ-վարչական այս արդիւնաւոր ժողովը առիթ մը ընծայեց Հիւսիսային Ամերիկայի Հ.Օ.Մ.-ի շրջաններու ղեկավարութեան համադրելու իրենց գործունէութիւնը եւ նոր թափով շարունակելու Միութեան ներկայ ու ապագայ ծրագիրներու իրականացումը:

Մեկնելով այս առաջին միջ-վարչական ժողովի դրական արդիւնքէն, Հ.Օ.Մ.-ի Կեդրոնական վարչութիւնը կը ծրագրէ նոյնանման ժողովներ կազմակերպել այլ ցամաքամասերու մէջ եւս, համախմբելով աշխարհասփիւռ Հ.Օ.Մ.-ականնեն ու վառ պահելով Միութեան առաքելութիւնը:

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԲԱԽՈՒՄՆԵՐ` “ԱԶԱՏՈՒԹԻՒՆ“ ՀՐԱՊԱՐԱԿԻՆ ՎՐԱՅ
Next post ՄԱՀԱԶԴ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles