Մ.Ա.Կ.-Ի ՆԻՒ ԵՈՐՔԻ ԿԵԴՐՈՆԱՏԵՂԻ.- Հ.Օ.Մ.-Ը ԿԸ ՄԱՍՆԱԿՑԻ ԿԻՆԵՐՈՒ ԻՐԱՎԻՃԱԿԻ ՅԱՆՁՆԱԺՈՂՈՎԻ 58-ՐԴ ՆԻՍՏԻՆ

0 0
Read Time:2 Minute, 36 Second

 

Գանատայէն, Պոսթընէն, Նիւ Ճըրզիէն, եւ Նիւ Եորքէն Հ.Օ.Մ.-ուհիներ մասնակցեցան CSW 58-ի համաժողովին եւ աշխատանիստերուն:
Գանատայէն, Պոսթընէն, Նիւ Ճըրզիէն, եւ Նիւ Եորքէն Հ.Օ.Մ.-ուհիներ մասնակցեցան CSW 58-ի համաժողովին եւ աշխատանիստերուն

Հայ Օգնութեան Միութիւնը անգամ մը եւս լրացուց յաջող ձեռնարկներու շարք մը` Ոչ- Կառավարական Կազմակերպութիւններու Կիներու Իրավիճակի Յանձնաժողովին` Միացեալ Ազգերու Կազմակերպութեան Նիւ Եորքի կեդրոնատեղւոյն մէջ, Մարտ 10-21, 2014-ին կայացած 58րդ տարեկան խորհրդաժողովին ծիրէն ներս: Հ.Օ.Մ.-ը, 1976-էն ի վեր գործունեայ աշխատանք կը տանի որպէս Ոչ- Կառավարական Կազմակերպութիւն Միացեալ Ազգերու Կազմակերպութեան մէջ, 1998-էն ի վեր, ան կ՛անդամակցի որպէս գրանցուած խորհրդատու անդամ Մ.Ա.Կ.-ի Տնտեսական եւ Ընկերային Յանձնաժողովին:

Այս տարուայ խորհրդաժողովը կեդրոնացաւ Հազարամեակի Զարգացման Նպատակներու գործադրութեան մէջ կանանց ու աղջկանց մարտահրաւէրներուն եւ նուաճումներուն վրայ,  ի մտի ունենալով MDG-ի նպատակադրումները յանձինս կիներու եւ մանուկներու իրավիճակի բարելաւման ի խնդիր` իրագործելի  մինչեւ Մարտ 2014 եւ անկէ անդին եւս ներկայացող օրակարգային կարելիութեանց սահմանները: Այս տարուայ խորհրդաժողովին, այլազան երկիրներէ կը մասնակցէին 820 ՈԿԿ-ներու 5600 անդամներ:

Հ.Օ.Մ.-ը գործնական իր բաժինը բերաւ խորհրդաժողովի կազմակերպման աշխատանքներուն, ներառեալ Cooper Union-ի մեծ սրահին մէջ կայացած Խորհրդակցութեան Օր-ը, ուր աւելի քան 900 հոգի կը մասնակցէին: Նոյնպէս, Armenian Convention Center-ի մէջ տեղի ունեցաւ ընդունելութիւն մը` ուր Շուշի պարախումբը ունեցաւ իր ելոյթը: Խորհրդաժողովի ամբողջ տեւողութեան, նոյն սրահին մէջ կայացան կարգ մը յարակից աշխատանիստեր:

Հ.Օ.Մ.-ուհիներ կը մասնակցին CSW58-ի Խորհրդակցութեան Օրուան
Հ.Օ.Մ.-ուհիներ կը մասնակցին CSW58-ի Խորհրդակցութեան Օրուան

CSW Forum-ի ընդունելութեան, Միացեալ Ազգերու  մօտ  Հայաստանի Հանրապետութեան մշտական ներկայացուցչութեան փոխ դեսպան` Տիգրան Սամուէլեան ընդգծեց ` “Հայաստանի դեսպանութեան եւ NGO CSW-ի միջեւ հետզհետէ զարգացող յարաբերութիւնները` հիմնուած այն հասկացողութեան վրայ, թէ սեռերու հաւասարութիւնը եւ կիներու ու աղջիկներու մարդկային իրաւունքներու ամբողջական ընկալումը հիմնական բանալին կը կազմեն Հազարամեակի Զարգացման Նպատակներու դիմագրաւած մարտահրաւէրներուն եւ իրագործումներուն յետ 2015 արագացման ու յաջողութեան: Լաւ հիմերու վրայ յառաջացող արդիւնաւետ գործակցութեամբ, կարողացած ենք սեռերու իրաւասութեանց առնչուող հարցերու մասին Մ.Ա.Կ.-էն ներս ունենալ շինիչ խօսակցութիւններ եւ քննարկումներ: Մեր ամբողջական զօրակցութիւնը կը բերենք Ոչ- Կառավարական Կազմակերպութեան CSW-ի Պէյճինկ +20 համաշխարհային արշաւին“:

 

Խորհրդաժողովի տեւողութեան, Հ.Օ.Մ.-ը մասնակից-կազմակերպիչն էր երկու աշխատանիստերու. առաջինը` World Vision-ի հետ “Խտրութեան զոհ` ծնունդէ առաջ սեռերու նախընտրանք որպէս սեռային բռնութեան ձեւ մը“ խորագրով, որուն դասախօսները ակադեմականներէ, Մ.Ա.Կ.-ի պաշտօնատարներէ, եւ շարժանկարիչէ մը բաղկացած` կեդրոնացաւ սեռային խտրականութեան մտահոգիչ զարգացումը Արեւելեան Եւրոպայի տարածքին: Խօսք առնողներուն կողքին, Հայաստանի ներկայացուցչութենէն` Սահակ Սարգսեան հետեւեալը ընդգծեց` “Հարկաւոր է պայքարիլ սեռերու խտրութեամբ եղած վիժումներու դէմ թէ՛ ազգային եւ թէ՛ միջազգային տարողութեամբ“:

Երկրորդ ձեռնարկը, կազմակերպուած Soroptimist International-ի եւ ICJW-ի հետ, “Երկինքին կէսը բաւարար չէ: Կանանց եւ աղջկանց մղել Հազարամեակի զարգացման նպատակներէն` Կայուն զարգացման նպատակներու“ խորագրով, զօրավիգ կ՛արտայայտուէր կիներու եւ աղջիկներու հեղինակութեան հաւասարեցման տնտեսական ու գործարարական մարզերէ ներս: Change.org  կազմակերպութիւնը դիւրացուցած է համացանցի վրայ լսելի դարձնելու կիներու եւ աղջիկներու դէմ կատարուած անիրաւութիւնները: Games for Change  կազմակերպութիւնը համացանցի վրայ դաստիարակչական խաղեր պատրաստած է այս ուղղութեամբ, իսկ Համաշխարհային Դրամատունը պատրաստ է կիներու վարկեր յատկացնելու:

Հ.Օ.Մ.-ի առաջնորդողի դերը ընկերային զարգացման մարզէն ներս այսօր աւելի շեշտուած է շնորհիւ այլ միջազգային ՈԿԿ-երու եւ ՄԱԿ-ի այլազան գրասենեակներու հետ իր հաստատած գործակցութեան: Խորհրդաժողովին ամբողջ տեւողութեան, Գանատայէն, Պոսթընէն, Նիւ Ճըրզիէն, եւ Նիւ Եորքէն Հ.Օ.Մ.-ուհիներ մասնակցեցան համաժողովին եւ աշխատանիստերուն:

 

Թիւ 1.-

Թիւ 2.-

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՄԵՐ ՔԱՂՑՐԻԿ ԱՒԱՆ՝ ՔԵՍԱՊ ԱՆՆՄԱՆ
Next post ՊՈՍԹԸՆ.- ԱՇԽԱՐՀԻ ԱՄԵՆԷՆ ԱՐԱԳ ՄԱՏՆԵՐՈՎ ԴԱՇՆԱԿԱՀԱՐ՝ ԵՈՒԻԱ ՈՒԱՆԿԻ ԵԼՈՅԹԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles