0
0
ՈՒԱՇԻՆԿԹԸՆ.- Հայ Դատի յանձնախումբը կը տեղեկացնէ, թէ բազմաթիւ քոնկրէսականներ սկսած են ձայնակցիլ իրենց պաշտօնակիցներ՝ Կաս Պիլիրաքիսի եւ Տէյվիտ Սիսըլինի, պահանջելով արտաքին գործոց նախարարութենէն, որ կասեցնէ ամերիկեան անօդաչու սարքերու ոլորտէն ներս գործակցութիւնը՝ Թուրքիոյ հետ։
Ամերիկայի Հայ Դատի յանձնախումբի գործադիր վարիչ Արամ Համբարեան շնորհակալութիւն յայտնեց Պիլիրաքիսին, Սիսըլինին եւ անոնց զօրակցող միւս քոնկրէսականներուն, որոնք այս քայլով հաշուետուութեան կը կանչեն Անգարան։ Այս արշաւին կը զօրակցին նաեւ ամերիկայունական եւ ամերիկաքրտական, հինտուներու եւ քրիստոնեաներու իրաւանց պաշտպան կազակերպութիւնները։
Պիլիրաքիսին եւ Սիսըլին կոչ ուղղած են իրենց պաշտօնակիցներուն, Թուրքիա արտածուած անօդաչու սարքերու արհեստագիտութեան մասին հետաքննութիւն պահանջելու։
Արտաքին գործոց նախարար Էնթընի Պլինքընի յղուած նամակին մէջ, Պիլիրաքիսին եւ Սիսըլին կը նշեն, թէ Անգարա մեղսակից դառնալով Արցախի պատերազմին շարունակեց ոտնակոխել ՆԱԹՕ-ի սկզբունքները։
