ՓՐՈՎԻՏԷՆՍԻ «ՄՈՒՐԱՏ» ՎԱՐԺԱՐԱՆԻ ԱՄԱՎԵՐՋԻ ՀԱՆԴԷՍԸ

0 0
Read Time:1 Minute, 19 Second

ՓՐՈՎԻՏԷՆՍ (Ռոտ Այլընտ)․-  Կիրակի, Մայիս 22-ին, Մուրատ ազգային վարժարանի ամավերջի հանդէսը տեղի ունեցաւ «Արամեան» սրահին մէջ, համավարակի պատճառով երկու տարուան ընդմիջումէ ետք։ Այս տարուան նիւթը «Սփիւռքի տարի»-ն էր։ Սուրբ Վարդանանց եկեղեցւոյ հոգեւոր հովիւ Արժպ. Տ. Գաբրիէլ Քհն. Նազարեանի բացման աղօթքէն ետք, տեղի ունեցաւ գեղարուեստական ճոխ յայտագիր մը։

Խօսք առին խնամակալ մարմնի ատենապետ՝ Յակոբ Խաչատուրեան, եւ դպրոցի համատնօրէն՝ Լալա Աթթարեան։ Խաչատուրեան ընդգծեց Սփիւռքի կարեւորութիւնը հայոց ինքնութեան, լեզուի եւ մշակոյթի պահպանութեան գործին մէջ եւ համահայկական կապերը ուժեղացնելու նշանակութիւնը։ Խօսելով Արամ Ա. Վեհափառ Հայրապետի կողմէ «Սփիւռքի տարի»-ի հռչակման մասին, Խաչատուրեան շեշտեց, որ կարեւոր է եկեղեցին վերակառուցել՝ առաջնահերթութիւն տալով քրիստոնէական դաստիարակութեան ու ընկերային ծառայութիւններու, եւ «հայ դպրոցի առաքելութիւնը վերաշեշտել՝ հայ ազգի շէնքին մէջ»։

Աթթարեան իր պաշտօնակից՝ Ճիւն Մանկասարեանի բարեմաղթանքները փոխանցեց, շնորհակալութիւն յայտնեց ուսուցիչներուն եւ ծնողներուն իրենց նուիրումին եւ աջակցութեան համար, եւ շնորհաւորեց աշակերտները իրենց յաջող ընթացքին համար, յատկապէս համավարակի դժուարին օրերուն։ Աթթարեան շեշտեց հայեցի դաստիարակութեան կարեւորութիւնը, յատկապէս երբ մեր ինքնութեան պահպանումը ամէնօրեայ պայքար է Սփիւռքի մէջ։ Ան նաեւ անդրադարձաւ Ազգային Ուսումնական Խորհուրդի ուսուցիչներու վերաորակաւորման ծրագրին, ինչպէս եւ «Սիամանթօ» լսարանին, որուն կը հետեւին վարժարանի բարձր դասարաններու աշակերտները։

Յատուկ յիշատակութեան արժանացան Հայ Օգնութեան Միութեան «Արաքս» եւ «Անի» մասնաճիւղերը, «Արարատ» Ընկերակցութիւնը, Արա եւ Պեթի Սատանեանց, Սրբոց Վարդանանց եկեղեցւոյ հոգաբարձութիւնը, «Մուրատ» վարժարանի ծնողական եւ ուսուցչական յանձնախումբը, ինչպէս եւ բոլոր կամաւորներն ու աջակիցները իրենց նիւթաբարոյական զօրակցութեան համար։

Յանուն նախկին եւ ներկայ աշակերտներուն, ուսուցիչներուն եւ դպրոցի խնամակալ մարմնին, Տ. Գաբրիէլ Քհն. Նազարեան եւ Խաչատուրեան շնորհակալութիւն յայտնեցին Զուարթ Թահմազեանին՝ աւելի քան 30ամեայ իր ծառայութեան ու նուիրումին համար։ Յատուկ շնորհակալութեան եւ բարի մաղթանքներու արժանացաւ նաեւ Անահիտ Տօնոյեան, որ յաջորդ տարի պիտի չվերադառնայ ուսուցչական կազմին։ Փակման խօսքը կատարեց Տ. Գաբրիէլ Քհն. Նազարեան։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles