ՊՈԼԻՍ.- Աւելի քան քառասուն հազար ցուցարարներ ոգեկոչեցին Հրանդ Տինքի յիշատակը: Անոնք “Թաքսիմ. հրապարակին վրայ արդար դատավարութիւն պահանջեցին հայազգի անուանի լրագրող` Հրանդ Տինքի (“Ակօս“ շաբաթաթերթի խմբագիր) սպանութեան գծով:
52-ամեայ Հրանդ Տինք սպաննուած էր 7 տարի առաջ` 19 յունուար 2007-ին:
Թաքսիմի հրապարակին վրայ ցուցարարները բարձրաձայն կը պահանջէին արդարութիւն, պարզելով զանազան կարգախօսներ:
