ՀԱՅՈՑ ՑԵՂԱՍՊԱՆՈՒԹԵԱՆ 101-ԱՄԵԱԻ ՁԵՌՆԱՐԿ՝ ՏԻԹՐՈՅԹԻ ՄԷՋ

0 0
Read Time:1 Minute, 30 Second

RRG

Տիթրոյթի հայութիւնը, Տիրպորնի կեդրոնական սրահներէն մէկուն մէջ, Ապրիլ 23-ին նշեց Հայոց Ցեղասպանութեան 101-ամեակը:
Աւելի քան վեց հարիւր ներկաներ ժամանած էին սրահ: Հ.Մ.Ը.Մ.- ի Սկաուտները երգեցին Ա.Մ.Ն.-ի եւ Հ.Հ.-ի քայլերգները: Օրուան հանդիսավարներն էին Յովիկ Գույումճեան եւ Լարա Ներսէսեան, որոնք իրենց խօսքերուն մէջ նշեցին թէ, Հայոց Ցեղասպանութեան ճանաչման եւ հատուցման գծով, անգամ մը եւս հայ ժողովուրդը դէմ յանդիման կը գտնուի ազգային ու մարդկային նոր մարտահրաւէրի մը:
Ներկաներու շարքին էին Կիպրոսի հիւպատոս՝ Սթիւ Սթիլիանուն եւ Ֆրանսայի հիւպատոս՝ Փասքալ Կէօշէն:FFF
Օրուան բանախօսն էր Հայ Դատի Կեդրոնական յանձնախումբի պատասխանատու՝ Արամ Համբարեան, որ յատկապէս անդրադարձաւ Արցախի մէջ պատահած վերջին դէպքերուն մասին: Ան շեշտեց թէ, շնորհիւ Արցախի սահմանին վրայ պատերազմող հայ զինուորներուն, անգամ մը եւս կարելի եղաւ կասեցնել թշնամիին սադրիչ յարձակումները:
Համբարեան շեշտեց թէ Ատրպէյճան կը վայելէ ցեղասպան Թուրքիոյ անմիջական հովանաւորութիւնն ու աջակցութիւնը եւ աւելցուց թէ Ալիեւ եւ Էրտողան կ՛ուզեն հեռու մնալ բանակցային գործընթացներէն եւ միայն ռազմական միջոցներով գործել եւ փոխել աշխարհաքաղաքական իրավիճակը:
DS
DԽօսք առին նաեւ շրջանի ներկայացուցիչ՝ Քլիմթ Քեսթօ եւ ծերակուտական Մարթի Նոլընպըրկի ներկայացուցիչ՝ Շօն Չիավաթոնէ:
Քեսթօ որ շրջանէն ներս Ցեղասպանութեան նիւթը դասաւանդելու առնչութեամբ, հետեւողական ձեւով աշխատանք տարած է, շեշտեց թէ դժբախտաբար ցայսօր յատկապէս Միջին Արեւելքի մէջ, փոքրամասնութիւններու դէմ հալածանքն ու չարչարանքը կը շարունակուի:
Նոլընպըրկի ներկայացուցիչ Շօն Չիավաթոնէ, իր կարգին շեշտեց թէ կարելի չէ ուրանալ ահաւոր եղելութիւն մը, որ կը կոչուի Հայոց Ցեղասպանութիւն:
Երիտասարդութեան խօսքը փոխանցեց տեղւոյն Հ.Ե.Դ.-ի «Կոպեռնիկ Թանտրճեան» մասնաճիւղի անդամ Սեւան Մարկոսեան, որ յայտնեց թէ երիտասարդութիւնը կառչած մնալով արմատներուն, պիտի շարունակէ Հայ Դատի սուրբ աշխատանքը:

Տիթրոյթի շրջանի Հայ Դատի յանձնախումբի ներկայացուցիչ Րաֆֆի Ուրլեան, իր կարգին խօսք առնելով, յայտնեց թէ բաւարար չէ միայն ճանաչումը, այլ նաեւ նոյնքան կարեւոր է հատուցումը, եւ այդ գծով ալ տարուելիք աշխատանքները շատ են:
Նշենք թէ, ձեռնարկին ընթացքին ելոյթ ունեցաւ, Տիթրոյթի «Համազգային»ի «Արաքս» պարախումբը: Իսկ աւարտին Պատուելի Շանթ Պարսումեան եւ Տէր Հայր Հրանդ Գէորգեան կատարեցին փակման աղօթք:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՌԷՅՍԻՆԻ ՄԷՋ 101-ԱՄԵԱԿԻ ՁԵՌՆԱՐԿՆԵՐ
Next post ՀԱՅՈՑ ՑԵՂԱՍՊԱՆՈՒԹԵԱՆ 101-ԱՄԵԱԿԸ՝ ՓՐՈՎԻՏԵՆՍԻ ՄԷՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles