ՆԻՒ ԵՈՐՔ․- ԱՐՏԱՇԷՍ ՊԵՏՐՈՍԵԱՆ Կ՚ԱՐԺԱՆԱՆԱՅ ՊԱՏՈՒՈՅ ՄԵՏԱԼԻ

0 0
Read Time:43 Second

ՆԻՒ ԵՈՐՔ․- Երկուշաբթի, Սեպտեմբեր 27-ին, Ա․Մ․Ն․ Արեւելեան Թեմի բարեջան Առաջնորդ՝ Անուշաւան Արք․ Դանիէլեան, տիար Արտաշէս (Արթըր) Պետրոսեանին յանձնեց Արմաւիրի «Տիգրան Մեծ» ռազմասպորտային վարժարանին կողմէ ներկայացուած Մեծն Տիգրանի գեղաքանդակ շքանշանը (յուշանուէրով միասին)։ Ան այս պատիւին կ՚արժանանար իր հետեւողական յանձնառութեան առ ի գնահատում, որով Հայաստանի մէջ գործող Ազգային Առաջնորդարանիս «Մեծն Ներսէս» բարեսիրական կազմակերպութեան միջոցաւ օժանդակած է նոր սերունդին ռազմական ու մարզական կրթութիւն տուող այս դպրոցին։

Տիար Պետրոսեան այն ազնուասիրտ ազգայիններէն է որ վերջին տարիներուն «Մեծն Ներսէս» գրասենեակի միջոցաւ 111 որբերու հովանաւորութիւնը ստանձնած է, հաւատալով որ անոնք մեր հայրենիքին ապագան պիտի կերտեն։

Վերջերս, Արտաշէս Պետրոսեանի նուիրատուութեան շնորհիւ հիմնական նորոգութեան ենթարկուած է վաթսուն տարի անմխիթար վիճակի մէջ մնացած դպրոցին տանիքը։ Այնուհետեւ, ան նորոգած է դպրոցի համակարգիչներու դասարանը, զայն օժտելով 11 նոր գործիքներով՝ իրենց բոլոր սարքաւորումներով հանդերձ։ Այս առիթով, նուիրատուին բաղձանքով, դասարանը կոչուած է Առաջնորդարանի Քրիստոնէական Դաստիարակութեան բաժանմունքի վարիչ՝ Բարշ. Շանթ Ա. Սրկ. Գազանճեանի անունով։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԿԵԴՐՈՆԱԿԱՆՑԻ ԱՐՄԵՆԱԿ «ԸՆԿԵՐ ԽՆԴԻՐԵԱՆ» Է
Next post «ԱՌԱՋՆՈՐԴԱՐԱՆԸ ԾՈՒԽԵՐՈՒՆ ՀԱՄԱՐ» ԾՐԱԳԻՐ՝ ՆՈՐԹ ԱՆՏՈՎԸՐԻ ՄԷՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles