ԼՈՅՍ ՏԵՍԱՒ․- ԲԱԳԻՆ 2020 ԹԻՒ 4

ԲԱԳԻՆ

ԴԵԿՏԵՄԲԵՐ 2020                                                              ԾԹ. տարի, թիւ 4

 

ԲՈՎԱՆԴԱԿՈՒԹԻՒՆ

 

Խմբագրական…………………………………………………………………………………1

 

Բանաստեղծութիւններ | Անահիտ Հայրապետեան………………………………..5

 

Շուշի | Հերմինէ Աւագեան …………………………………………………………………8

 

Բոլորը գնում են, բացի պատերազմից | Հերմինէ Աւագեան ……………………9

 

Դադարներ՝ կտրուկ շրջադարձերով | Վարդան Յակոբեան …………………..13

 

Անվերնագիր | Ժաննա Բէգլարեան ……………………………………………………22

 

Բանաստեղծութիւններ | Ռոբերտ Եսայեան ……………………………………….24

 

Երբ լիալուսին չլինի | Վան Նովիկով ………………………………………………….27

 

Բանաստեղծութիւններ | Տաթեւ Սողոմոնեան …………………………………….30

 

Կեանքի ճօճանակ | Վովա Արզումանեան………………………………………………33

 

Բանաստեղծութիւններ | Վիտալի Պետրոսեան…………………………………….35

 

Բանաստեղծութիւններ | Սոնա Համբարձում……………………………………….40

 

Անվերնագիր | Սերգէյ Սաֆարեան……………………………………………………..42

 

Բանաստեղծութիւններ | Հայասէր Յովսէփեան…………………………………….46

 

Լեւոն Շանթի Հին Աստուածների առաջին բեմադրութիւններն
ու նրանց քննարկումները
| Բախտիար Յովակիմեան ……………………………49

 

Տարաբնակ մարդը Մ. Իշխանի

թատերախաղերուն մէջ | Վիգէն Թիւֆէնքճեան ……………………………………64

 

Օշականի «Ամբողջական Գործեր»ի

առաջին հատորը | Քնարիկ Աբրահամեան …………………………………………….71

 

ԽՄԲԱԳՐԱԿԱՆ

Այս տողերը կը գրուին, երբ հայոց պատմութեան վերջին հարիւր տարուան մէջ երկրորդ անգամ ըլլալով աղէտալի պարտութիւն մը արձանագրուած է։ 30 հոկտեմբեր 1920ին, Կարսի անկումը փաստացի վերջը կը դնէր հայ-թրքական պատերազմին եւ սկիզբը Հայաստանի առաջին անկախութեան անկումին։ 9 նոյեմբեր 2020ին, Արցախի մէկ ու կէս ամսուան անհաւասար պատերազմը կասեցնող տխրահռչակ համաձայնագիրը կը ստորագրուէր՝ իր ցնցիչ հանգամանքներով ու դեռ լիովին չպարզաբանուած հետեւանքներով։

Ինչպէս Կարսը անցեալին, ներկայիս ալ Արցախը խորունկ վէրք մը կը բանայ մեր հաւաքական գիտակցութեան մէջ։ Երէկ Չարենց մը պէտք էր, որ փորձէր այդ վէրքը դարմանել իր գրական հանճարի նշդրակով՝ Երկիր Նայիրի վէպին մէջ։ Այսօ՞ր…։

Բագինի այս թիւին գեղարուեստական բաժինը նուիրած ենք Արցախի գրողներուն, համախմբելով արծիւներու այդ բոյնէն եկած գրական էջերու փունջ մը, ջանալով ցոլացնել թէ՛ ստեղծագործական հեւքի անմիջականութիւնը եւ թէ՛, գոնէ ձեւով մը, ռազմական երեսնամեայ իրադրութենէն ծնած վիճակներ։ Այս գործերէն մէկ քանին, ինչպէս պիտի նկատէ ընթերցողը, ծնած են վերջին պատերազմի օրերուն, իսկ աւելի վաղ գործերը՝ գէթ մասամբ, կը ներկայացնեն միեւնոյն տեսակի ապրումներ։ Բոլոր պարագաներուն, արցախցի գրողները, անկախաբար իրենց գործերուն գեղարուեստական արժէքէն (ընտրութեան մէջ աշխատած ենք մեր գրական չափանիշները բարձր պահել, թէեւ երբեմն առաջնութիւնը տուած ենք հեղինակային բխումի թարմութեան), անկոտրում՝ ու կարելի է ըսել միասնական պահանջ մը կը ներկայացնեն. մարդկօրէն իրենց հողին վրայ ապրելու անշրջանցելի մղումը։ Այսպէս է, որ ծնած է արցախեան շարժումը 1988-ին եւ մինչեւ այսօր այս տարրական պահանջին դիմաց է, որ աշխարհը խուլ ու համր կը ձեւանայ, ինչպէս պարզուեցաւ 27 սեպտեմբեր – 9 նոյեմբեր 2020 ժամանակաշրջանին, բոլոր անոնց համար, որ մոռցած էին 1915–1921-ի հայոց պատմութեան դասերը եւ կը հաւատային, որ նորութիւն մը կայ արեւուն տակ…

Արցախին տրամադրելով մեր էջերը կը ցանկանք մեր ընթերցողներուն աւելի հաղորդակից դարձնել անոր գրական մշակներուն եւ անոնց ստեղծումներուն, այն յոյսով, որ մեր պատմական հայրենիքի միշտ կենդանի եւ ԺԸ. դարու ազատամարտերէն մինչ օրս արիութեան բազում գործեր իրագործած այդ հողամասը պիտի շարունակէ վառ մնալ մեր գիտակցութեան մէջ՝ նաե՛ւ գրականութեամբ։

1 Comment

Leave a Reply

Your email address will not be published.


*