ՄԱՀԱԶԴ․- ԵՒԳԻՆԷ ԶԱՐԻՖԵԱՆ – ՂԱՐԻՊԵԱՆԻ ՀՐԱԺԵՇՏԸ


Պոսթընահայ գաղութին ծանօթ դէմքերէն էր Եւգինէ Զարիֆեան-Ղարիպեանը, որ իր կողակիցին մահէն ետքն ալ 29 տարիներ, շարունակեց իր կողակիցին հիմնած Պոսթընի անկախ ռատիօժամի տնօրէնութեան գործը։
Կարճ անհանգստութենէ մը ետք, Եւգինէ մահացաւ Հինգշաբթի Հոկտեմբեր 29-ին։
Ծնած Ռաշթ (Պարսկաստան) եւ համալսարանական ուսումը կատարած Լոնտոն (Անգլիա), հոն է որ ան ծանօթացաւ իր ապագայի կողակից՝ Ժիրայր Ղարիպեանին եւ փոխադրուեցաւ Մասաչուսէց։
1980-ին հիմնուած Պոսթընի անկախ ռատիօժամը տօնեց իր քառասնամեակը, Եւգինէի հրաժեշտէն օրեր առաջ միայն։
Նաեւ Հ․Օ․Մ․-էն եւ ,Համազգայինե-էն ներս գործօն, Եւգինէ հետեւողական ձեւով կը գործակցէր նաեւ «Հայրենիք»-ին հետ։
Յուղարկաւորութեան արարողութիւնը տեղի ունեցաւ Հինգշաբթի, Նոյեմբեր 5-ին, առաւօտեան ժամը 11-ին, Ուաթըրթաունի Սուրբ Ստեփանոս եկեղեցւոյ մէջ։
Փոխան ծաղկեպսակի նուիրատուութիւնները կը խնդրուի կատարել՝
Armenian Radio Hour-ին, որուն հաւաքուած գումարը պիտի ղրկուի Հայաստան Համահայկական Հիմնադրամին
կամ
Սուրբ Ստեփանոս Ազգային վարժարանին, 47 Nichols Ave., Watertown, Massachusetts 02474.
Խոր ցաւակցութիւններ «Հայրենիք»-ի անձնակազմին կողմէ, Ղարիպեան եւ Զարիֆեան ընտանիքներուն։

2 Comments

  1. Ափսո՜ս, մեծ հայուհի մը, հաւատաւոր ընկերուհի մը, մտերիմ բարեկամուհի մը ու ազնիւ անձնաւորութիւն մը կորսնցուցինք։ Հողը թեթեւ գայ իր վրայ։ Մեր խորազգած ցաւակցութիւնները իր բոլոր հարազատներուն՝ մեզի ծանօթ թէ անծանօթ։ Նազիկ ու Վրէժ-Արմէն Արթինեան

  2. Shenorhagalutyun Haireniki yev bolor anonts vor genahadetsin Yevgine Gharibiani darats ashkhadanknere haygagan radio jhamin mej.

Leave a Reply

Your email address will not be published.


*