Հայաստան Հիմնադրամը 70 Հազար Տոլարի Աջակցութիւն Տրամադրեց Սուրիահայերուն

Հայաստան Համահայկական հիմնադրամի գործադիր տնօրէն Հայկակ Արշամեան Դամասկոսի մէջ Հայաստանի դեսպանութեան յանձնեց շուրջ 70 հազար տոլար, որ պիտի փոխանցուի Սուրիոյ հայրենակիցներուն` «Քորոնա» ժահրին պատճառով անոնց ունեցած ծանր առողջապահական եւ ընկերային-տնտեսական իրավիճակը մեղմացնելու նպատակով: Այս մասին յայտնեցին Հայաստան Համահայկական հիմնադրամէն:

Նուիրուած հանգանակութիւնը համամասնաբար բաշխուած է՝  30 հազար տոլար Սուրիոյ մէջ հայկական կրթական հաստատութիւններու 502 ուսուցիչիներուն, ինչպէս նաեւ սպասարկող անձնակազմերու 42 անդամներու:

Ընդհանուր 40 հազար տոլարի օժանդակութիւն տրամադրուած է «Քորոնա» ժահրի հիւանդութեամբ Սուրիոյ մէջ բուժում ստացող հայրենակիցներուն: Նշենք, որ հանգանակուած գումարները յատկացուած են ««Քորոնա» Հայաստան․ Միասին յաղթահարենք համաճարակը» դրամահաւաք-արշաւէն գոյացած ֆոնտէն: «Հայապահպանման նուիրական իր առաքելութեան համահունչ` Հայաստան Համահայկական հիմնադրամը մշտապէս մեր հայրենակիցների կողքին է», յայտնեց հիմնադրամը:

Be the first to comment

Leave a Reply

Your email address will not be published.


*