Արցախի Անկախութեան Առթիւ.- Հ.Յ.Դ. Բիւրոյի Յայտարարութիւնը

Հ․Յ․ Դաշնակցութեան Բիւրոն Արցախի Հանրապետութեան անկախութեան օրուայ առիթով կը շնորհաւորէ Արցախի ժողովուրդին եւ համայն հայութեանը:
29 տարի առաջ այս օրը` Սեպտեմբեր 2, 1991-ին, գումարուեցաւ ժողովրդական պատգամաւորներու Լեռնային Ղարաբաղի Ինքնավար Մարզի մարզային եւ Շահումեանի շրջանային խորհուրդներու համատեղ նստաշրջանը` բոլոր կարգի պատգամաւորներու մասնակցութեամբ: Հիմք ընդունելով Խորհրդային Հայաստանի Սահմանադրութեան համապատասխան դրոյթը, նստաշրջանը հռչակեց Լեռնային Ղարաբաղի (Արցախի) Հանրապետութիւնը: Յունուար 6, 1992-ին Լեռնային Ղարաբաղի գերագոյն խորհուրդն ընդունեց պետական անկախութեան հռչակագիրը` օրէնսդրօրէն ամրագրելով Դեկտեմբեր 10, 1991-ի հանրաքուէի արդիւնքները:
Արցախի Հանրապետութեան օրուայ առիթով, Հայ Յեղափոխական Դաշնակցութեան Բիւրոն կը յայտարարէ.-
ա) Սեպտեմբերի 2, 1991-ին, Արցախի Հանրապետութեան Անկախութեան հռչակագրով եւ Սահմանադրութեամբ ամրագրուած Անկախ պետականութեան կարգավիճակն ու տարածքային ամբողջականութիւնն անսակարկելի են:
բ) Բանակցային գործընթացին պէտք է առաջնորդուիլ Արցախի ժողովուրդի 1991-ի անկախութեան եւ յետագայ սահմանադրական հանրաքուէներով, արդէն իսկ կայացած կամարտայայտութեամբ:
գ) Հայաստանի եւ Արցախի Հանրապետութիւններու միջեւ ռազմավարական դաշինքի մասին համաձայնագրի սեղմ ժամկէտներու ընթացքին կատարուած կնքումը կը շարունակուի մնալ հրատապ անհրաժեշտութիւն: Նման համաձայնագիրը, այլ հարցերու իրաւական կարգաւորման զուգահեռ, իրաւականօրէն կ՛ամրագրէ Հայաստանի Հանրապետութեան իշխանութիւններու յանձնառութիւնը` շարունակել հանդէս գալու որպէս Արցախի Հանրապետութեան անկախութեան եւ անվտանգութեան երաշխաւորի: Առաւել, այն իրաւականօրէն կը հիմնաւորէ Արցախի շուրջ բանակցութիւններուն` Արցախի Հանրապետութեան իշխանութիւնների լիարժէք մասնակցութեան անհրաժեշտութիւնը: Կը ստեղծէ լիարժէք պայմաններ Արցախի տարածքին Մարդու իրաւունքների եւրոպական պայմանագրութեան անխափան գործադրման համար:
դ) Աշխարհասփիւռ իր կառոյցով, Հ․Յ․ Դաշնակցութիւնն անվերապահ աջակցութիւն կը յայտնէ Արցախի Հանրապետութեան` երկրի ընկերային-տնտեսական զարգացման, անվտանգութեան եւ տարածքային ամբողջականութեան ապահովման հարցերու գծով եւ կը յայտնէ իր պատրաստակամութիւնը` շարունակելու այդ յանձնառութիւնը:
Հ․Յ․Դ․ Բիւրօ
Սեպտեմբեր 2, 2020

Be the first to comment

Leave a Reply

Your email address will not be published.


*