ԵՐԻՏԱՍԱՐԴԱԿԱՆ ԱՆԿԻՒՆ․- ՆԱՄԱԿ ՀԱՅ ԶԻՆՈՒՈՐԻՆ

0 0
Read Time:1 Minute, 42 Second

 

Սիրելի՛ հայ զինուոր,

Գաղտնիք մը ունիմ։ Երբ տարիքով շատ փոքր էի, քնացած ատենս վերմակիս մէջ կը պահուըտէի ինքզինքս պաշտպանելու համար։ Այնքան մը լսած էի մեր պապերուն պատմութեան մասին, որ կը խորհէի, թէ թուրքերը իմ ընտանիքիս եւ ընկերներուս ալ պիտի առեւանգէին։ Ինքզինքս հանգստացնելու համար կը յիշէի, որ հայ ժողովուրդը վախկոտ չէ, այլ ընդհակառակը գիտէի, որ դուն չէիր արտօներ, որ այդպիսի բան ըլլար ու վերջապէս կը քնանայի։

Հիմա, տարներ ետք, անշուշտ գիտեմ, որ Ամերիկա Հայաստանէն հազարաւոր քիլոմեթր հեռու ըլլալով հայ գաղութը հոս ապահով է, սակայն հանգիստ չենք զգար, որովհետեւ մեր հայրենիքը տակաւին ապահով չէ։ Վստահ եմ, որ դուք ձեր բոլոր ուժով պիտի կռուի՛ք պաշտպանելու մեր ազգն ու հայրենիքը, եւ մենք միշտ հպարտ ենք ձեզմով։ Մարդ չի հասկնար կամ ըմբռներ ձեր կրած դժուարութիւններուն չափը, մինչեւ որ ինք եւս ականատես ըլլայ անոր։ Այս պատճառով, միշտ կը մտածեմ. արդեօք ի՞նչ կ՚անցնի ձեր միտքէն կռիւի պահուն կամ, թէ  ինչպէ՞ս կ՚անցընէք ձեր ժամերը ընդհանրապէս։

Թերեւս մեր հայոց լեռներուն մէջ կրակի շուրջ հաւաքուած «Ինչքան պէտք լինի կը կռուենք այսպէս, հայ ազգի համար, ախպերս ու ես» երգելով է, որ կը փորձէք ոգեորուիլ եւ պատրաստուիլ յաջորդ օրուան։ Թերեւս, ձեռք-ձեռքի բռնած «Մշոյ խըռ» կը պարէք եւ «Եարխուշտա»-ի ժամանակ  իրարու ձեռք կը թօթուէք, որ թշնամին լսէ, որ հայը պատրաստ է։ Թերեւս կենաց կը խմէք՝ ի յիշատակ զոհուած լաւ տղոց, որոնք տակաւին քանի մը օր առաջ նոյն դիրքը, նոյն սահմանը եւ նոյն հողը կը պաշտպանէին, սակայն թշնամիին չարագործութիւններուն զոհը դարձան եւ յաւերժացան մեր յիշողութիւններուն մէջ, որովհետեւ արիւնով պահեցին արդէն իսկ արիւնով ազատագրուած հայրենիքը։ Թերեւս կը մտածէք անոնց մայրերուն մասին, որոնք տունը անքուն՝ կը սպասէին իրենց զաւակին վերադարձին, կամ զոհուած հօր որդւոյն մասին, որ դատապարտուած է որբութեան, սակայն ամէնայն հպարտութեամբ, որովհետեւ զաւակն է քաջ հերոսին։

Թերեւս զօրամասիդ հրամանատարը պահակութեան դիրք ուղարկեց քեզ եւ դուն անքուն պիտի հսկես մեր սահմանները, որ մենք հանգիստ քնանանք, կամ թերեւս նոյնիսկ դուն ես հրամանատարը․․․։

Սիրելի՛ հայ զինուոր, եթէ օր մը կարդաս այս նամակը, գիտցի՛ր որ եօթը տարեկան Մեղրիին եւ քսաներկու տարեկան Մեղրիին հանգիստ քնանալը միայն ու միայն քու քաջութեանդ եւ անձնազոհութեանդ շնորհիւ է։

Սիրով՝

Մեղրի Տէր Վարդանեան

Մեծն Պոսթընի «Նժդեհ» մասնաճիւղ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԿԵԱՆՔ ՄԸ ՃԵՄԱՐԱՆ
Next post ՅԱՐՁԱԿԱՊԱՇՏ ԱՏՐՊԷՅՃԱՆ ՄԻՋԱԶԳԱՅԻՆ ԵՒ ՄԱՐԴԿԱՅԻՆ ԲԱՐՈՅԱԿԱՆ ՉԻ ՃԱՆՉՆԱՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles