Հայաստանի Հանրապետութեան Անկախութեան 102-ամեակին Նուիրուած Առցանց Տօնակատարութիւն

ՈՒԱԹԸՐԹԱՈՒՆ․- Հինգշաբթի, Մայիս 28-ի երեկոյեան ժամը 7։00-ին, արեւելեան Ա․Մ․Ն․-ի Կեդրոնական Կոմիտէն, առցանց յայտագրով մը նշեց Հայաստանի Ա․ անկախութեան 102-ամեակը (Կարելի է յայտագրին հետեւիլ, այցելելով․- https://www.facebook.com/watch/live/?v=2601680650108547&ref=watch_permalink)։

Բացման խօսքը կատարեց «Հայրենիք»-ի անգլերէն բաժնի՝ «Արմինիըն Ուիքլի»-ի խմբագիր Փօլին Կեցոյեանը։ Ապա, յաջորդաբար կարճ զեկուցումներով խօսք առին Մուրատ Մանուկեան (Հ․Յ․Դ․ արխիւներ), Խաչիկ Մուրատեան  (Քոլումպիա համալսարանի դասախօս եւ «Արմինիըն Ուիքլի»-ի նախկին խմբագիր)  եւ Ճորճ Աղճայեան (արեւելեան Ա․Մ․Ն․-ի Հ․Յ․Դ․ Կեդրոնական Կոմիտէի ներկայացուցիչ)։

Քանի մը վայրկեան տեւողութիւն ունեցող տեսերիզ մը ցուցադրուեցաւ ներկայացնելով Ղարաքիլիսէի, Բաշ Ապարանի եւ Սարդարապատի հերոսները։ Աւարտին, արեւելեան Ա․Մ․Ն․-ի Հայ Դատի յանձնախումբի գործադիր տնօրէն Արամ Պալեան, քանի մը խօսք փոխանցեց այս յիշատակելի օրուան մասին եւ ցուցադրուեցաւ կարճ վաւերագրական մը , Հայ Դատի հիմնադիրներէն՝ Վահան Քարտաշեանի մասին։

Նաեւ, առցանց ձեռնարկներ տեղի ունեցան Նիւ Եորքի, Նիւ Ճըրզիի, Տիթրոյթի եւ Շիքակոյի մէջ:

Be the first to comment

Leave a Reply

Your email address will not be published.


*