Ա․Մ.Ն. Արեւելեան Շրջանի Հ.Մ.Ը.Մ.-ի Վարչութիւններու Դիւաններու Խորհրդաժոով

Շաբաթ, Մարտ 7-ին,  Հ.Մ.Ը.Մ.-ի Արեւելեան Միացեալ Նահանգներու Շրջանային Վարչութեան կազմակերպութեամբ եւ Շիքակոյի մասնաճիւղի հիւրընկալութեամբ, տեղի ունեցաւ շրջանի վարչութիւններու դիւաններու խորհրդաժողովը, մասնակցութեամբ Պոսթընի, Փրովիտէնսի, Նիւ Ճրզիի, Նիւ Եորքի, Տիթրոյթի եւ Շիքակոյի մասնաճիւղերուն եւ Մէրիմաք Հովիտի միաւորի ներկայացուցիչներուն։

Ներկայ էր շրջանային վարչութիւնը, շրջանային սկաուտական խորհուրդի անդամներ, շրջանային մարզական յանձնախումբի անդամներ:

Յառաջ նահատակ գայլերգով ժողովը բացուեցաւ, գալուստի խօսք ուղղեց շրջանային վարչութեան ատենապետ Արամ Գայսէրեանը, իսկ օրուայ օրակարգն էր․-

Ա.- Մասնաճիւղերու Վարչութիւններու 2020 տարեշրջանի գործունէութեան նախագիծ եւ հակիրճ զեկուցումներ։ Մասնաճիւղերու ներկայացուցիչները ընթերցեցին իրենց մասնաճիւղերու գործունէութեան յակիրճ զեկոյցները եւ պատասխանեցին լուսաբանական հարցումներուն:

Բ.- Շրջանային Վարչութեան զեկուցում եւ գործունէութեան ամփոփ տեղեկագիր։  Արամ Գայսերեանը ներկայացուց Շրջանային Վարչութեան նախատեսած երկամեայ ծրագիրը և պատասխանեց լուսաբանական հարցումներուն:

Գ.- Ոչ աւանդական հանգանակութիւն եւ դրամահաւաքի ձեւեր։

Շրջանային վարչութեան գանձապահ՝ Արա Պարսումեանը ներկայացուց միութիւնը տնտեսապէս հզօրացնելու զանազան միջոցներու մասին իր զեկոյցը։ Եղան խորհրդակցութիւններ:

Դ.- Սկաուտական

1.- Շրջանային Բանակում, Նիւ Ճըրզի

2.- Բանակավայրի Դժուարութիւններ

3.- Ղեկավար առաջնորդներ պատրաստել

Շրջանային սկաուտական խորհուրդի անդամներ Լոռի Փիլիպոսեան եւ Յովսէփ Մինասեան մանրամասն ներկայացուցին խորհուրդին ծռագիրները որոնք նախատեսուած են իրագործել կարճ և երկար ժամանակի ընդացքին: Ժողովականներու հարցումներուն սպառիչ կերպով պատասխանեցին:

Ե.- Հանրային յարաբերութիւն։ Շրջանային Վարչութեան անդամներ՝ Մայք Տէմիրճեան և Շանթ Ժամկոչեան ներկայացուցին նախորդ երկու տարիներու փորձառութեան վրայ հիմնուած Հանրային յարաբերութեան յանձնախումբի թելադրանքներն ու պատկերացումները, իրականացնելու յարմար միջոցներու մասին։ Տեղի ունեցան խորհրդակցութիններ:

Զ.-30-րդ Նաւասարդեան Խաղեր, Պոսթըն։

Սոյն մասնաճիւղի վարչութեան ատենապետ Սեւակ Խաչատուրեան ներկայացուց 30-րդ Նաւասարդեան խաղերու ծռագիրը։ ժողովականներոն հարցումներուն պատասխանեց եղբայրը:

Է.-11-րդ Համա-Հ.Մ.Ը.Մ-ական մարզական խաղեր (Հայաստան)։ Շրջանային վարչութեան անդամ Փօլ Գոգուզեանը նեկայացուց շրջանային մարզական յանձնախումբի Համա-Հ.Մ.Ը.Մ.ական 11-րդ մարզական խաղերու մասնակցութեան պատկերացումներուն մասին զեկոյց մը:

Ը.- Շրջանային Բանակավայրի Գնում։ Արա Պարսումեան եւ Յովսէփ Մինասեան ներկայացուցին իրենց հակիրճ զեկոյցը, միութեան եւ ընդհանրապէս շրջանիս պահանջքները գոհացնող բանակավայր մը ունենալու նպատակը եւ մինչեւ օրս իրենց կատարած աշխատանքները:

Թ.- Երիտասարդական Արհեստավարժներու խումբ։ Լոռի Փիլիպոսեան խօսեցաւ Հ.Մ.Ը.Մ.-ի երիտասար արհեստավարժներու խումբ մը յառաջացնելու մասին: Եղան շինիչ խորհրդակցութիւններ:

Երեկոյեան բոլոր մասնակիցները ընդառաջելով Շիքակոյի մասնաճիւղի հրաւէրին, ներկայ գտնուեցան մասնաճիւղի ընտանեկան ընկերային միջոցառումին, հայկական աւանդական խորովածի ընդրիքի հիւրասիրութենէն ետք, տեղի ունեցաւ սկաուտական երդման արարողութիւն եւ աստիճաններու տուչութիւն:

Be the first to comment

Leave a Reply

Your email address will not be published.


*