Արթուր Մկրտչեանի Ծննդեան Օրուան Նշում

0 0
Read Time:1 Minute, 13 Second

Փետրուար 16-ին Լեռնային Ղարաբաղի Հանրապետութեան Գերագոյն խորհուրդի առաջին նախագահ Արթուր Մկրտչեանը պիտի դառնար 61 տարեկան: Արթուր Մկրտչեանը 32 տարեկան էր, երբ ընտրուեցաւ Լեռնային Ղարաբաղի Հանրապետութեան Գերագոյն խորհուրդի առաջին նախագահ, եւ 33 տարեկան, երբ քունքին արձակուած կրակոցը վերջ դրաւ անոր կարճ, բայց պայծառ կեանքին:
Ինչպէս ամէն տարի, այս տարի եւս Արթուր Մկրտչեանի ծննդեան օրը բազմաթիւ մարդիկ ներկայ էին անոր գերեզման-յուշաքարին մօտ: Հ.Յ.Դ. Արցախի Կեդրոնական կոմիտէն, Ստեփանակերտի «Արթուր Մկրտչեան» կոմիտէութեան անդամներ, Հ.Օ.Մ.-ի, ՀՅԴ Արցախի երիտասարդական միութեան անդամներ եւ Արթուր Մկրտչեանի հարազատներ իրենց յարգանքի տուրքը մատուցեցին Մկրտչեանի շիրիմին:
ՀՅԴ Արցախի Կեդրոնական կոմիտէի անդամ, Արցախի Հանրապետութեան Ազգային ժողովի փոխնախագահ Վահրամ Բալայեանը նշած է, որ պատմութեան ամբողջ ժամանակահատուածին ծնած են անհատներ, որոնք մեծ հետք ձգած են պատմութեան ընթացքին վրայ եւ մնացած ժողովուրդի յիշողութեան մէջ: Այդպիսի գործիչներէն մէկն էր նաեւ Արթուր Մկրտչեանը:
Արթուր Մկրտչեանը բիւրեղեայ մաքրութեան տէր անձնաւորութիւն էր, որ կրցաւ արդարամտութեան, նուիրուածութեան շնորհիւ իր շուրջ համախմբել շարժման մէջ գործունեայ անդամները: «Նման պահուածքը առիթ կու տայ քաղաքական առաջնորդի կերպար մը ունենալ, որ դեռ երկար ժամանակ ընդօրինակելու օրինակ պիտի ըլլայ», աւելցուց Վահրամ Բալայեանը:
Արթուր Մկրտչեան արցախեան ազատամարտի ու պետականութեան թէ՛ մարտական ու թէ՛ գաղափարական առաջնորդն էր: Իր տեսութիւնը շատ բիւրեղ եւ յստակ էր.
«Արցախն աղքատ բարեկամ չէ, որին պէտք է օգնել, Արցախը պէտք է նուաճել, Արցախը պէտք է գրաւել, Արցախը պէտք է մերը դարձնել»:
«Թող ոչ մէկի մտքով չանցնի, թէ Ղարաբաղում հայ չապրելով` Ղարաբաղը կարող է Հայաստանի մաս դառնալ: Հողը նրանն է, ով էդ հողի վրայ ապրում է եւ պաշտպանում է այդ հողը»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Անփոփոխելին Եւ Փոփոխելին
Next post «Աւարայրից Ջանք Առանք…»

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles