Հ.Օ.Մ.-ը Կը Ձեռնարկէ Լիբանանի Անմիջական Օժանդակութեան Համար Նուիրահաւաք

0 0
Read Time:1 Minute, 39 Second

Հոկտեմբեր 2019-ին սկիզբ առած Լիբանանի տնտեսական տագնապն ու քաղաքական անկայուն իրավիճակը մեծապէս ազդեցին Լիբանանահայութեան բնականոն կեանքին վրայ:

Հայ Օգնութեան Միութեան, Կեդրոնական Վարչութիւնը, լրջօրէն հետեւելով իրադարձութիւններուն, չէր կրնար ձեռնպահ մնալ, հետեւաբար, Նոյեմբեր 2019-ին 5 հազար տոլար տրամադրեց Լիբանանահայ Օգնութեան Խաչին (Լ․Օ․Խ․) տեղական ծրագիրներու հետեւողական եւ անընդմէջ ընթացքը ապահովելու համար:

Սակայն, կացութիւնը կը շարունակէ բարդանալ, եւ օժանդակութեան խնդրանքով Լ․Օ․Խ․-ի դիմող անհատներու քանակը  օրէ օր կը բազմանայ: Կեդրոնական Վարչութիւնը եւս 10 հազար տոլար տրամադրեց Լ․Օ․Խ․-ին եւ կոչ կ’ուղէ Ժողովուրդին մասնակցելու «Լիբանանի Անմիջական Օժանդակութիւն» խորագրով նուիրահաւաքին: Նուիրատուութիւններ պիտի յատկացուին հետեւեալ 3 ծրագիրներուն ․ –

  • Պնակ մը Կերակուր

Սոյն ծրագրին ընդմէջէն, նուիրատուներ կրնան հովանաւորել ճաշի մատուցումը գաղութի 150 անհատներու/կարիքաւորներու:  Առ ի գիտութիւն, նոյն Լ․Օ․Խ․-ի ծրագիր է՝ որ տարիներէ ի վեր շաբաթը 2 օր տաք ճաշ կը մատուցէ կեդրոնէն ներս:

Ցարդ տիրող պայմաններուն տակ, 2 օրը նուազած է 1 օրուայ: Կեդրոնական Վարչութիւնը, ներկայ անհրաժեշտութիւնը առաջնահերթ նկատելով, վերահաստատեց Լ․Օ․Խ․-ի Պնակ մը Կերակուրը շաբաթական 2 օր մատուցելու նախկին ընթացքը:

Գումար՝ 500  տոլար/օրական 150 անհատներու (նկատի ունենալ հազար՝ շաբաթը երկու օրուայ համար):

  • Գոյատեւման Պիտոյքներ

Սոյն ծրագրին ընդմէջէն, կարիքաւորներու՝ (որոնք արդէն Լ․Օ․Խ․-ին կ՛ապաւինին իրենց օրական դեղորայքին եւ ուտելիքին համար) պիտի յատկացուի մէկ ամսուայ ուտեստեղէն, դեղորայք եւ բարեկեցիկ կեանք ապահովելու հիմնական պիտոյքներ:

Գումար՝ 250 տոլար

  • Յոյսի Արկղ

Սոյն ծրագրին ընդմէջէն ընտանիքներու պիտի յատկացուի 1-ամսուայ ուտեստեղէն:

Գումար՝ 150 տոլար/իւրաքանչիւր ընտանիքի մէկ արկղ

Սրտաբուխ որեւէ նուիրատուութիւն ընդհանուր ֆոնտին օգտակար կրնայ հանդիսանալ:  Կեդրոնական Վարչութիւնը, գործակցաբար Լ․Օ․Խ․-ին, սոյն նուիրատուութիւնները պիտի յատկացնէ հոն՝ ուր կարիքը անմիջական է:

Բոլորիս պարտականութիւնն է նեցուկ կանգնիլ Լիբանանահայութեան, օժանդակելու գաղութի մը՝ որ անցնող տասնամեակներուն իր կառոյցներով, վարժարաններով, մշակութային կեդրոններով եւ կազմակերպութիւններով եղաւ հայապահպանման տիտաններէն մին, մասնակցելով  աշխարհասփիւռ ծրագիրներու բարօրութեան հայրենիքի եւ սփիւռքի տարածքին:

Կոչ կ’ուղղենք հանրութեան օգնութեան ձեռք երկարելու Լիբանանահայ մեր հարազատներուն, որպէսզի կարենանք միասնաբար՝ կեանք մը փոխել եւ ժպիտ բերել հայ մանուկին, պատանիին, երիտասարդին ու տարեցին:

Նուիրատուութիւններ կատարելու համար դիմել գաղութի Հ․Օ․Մ․-ի Միաւորին կամ այցելել հետեւեալ կայքէջը՝ www.ars1910.org/give.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Գալուստ Կիւլպէնկեան Հիմնարկութեան Հայկական Բաժանմունքը 170 հազար Տոլար Կը Յատկացնէ Լիբանանի Հայկական Դպրոցներուն
Next post Փոխան Դամբանականի.- Յակոբ Կարապետեան Կամ՝ Բոլորին Աքելլան

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles