Թրամփէն Կը Պահանջուի Էրտողանէն Բացատրութիւն Ստանալ Հայ Հոգեւորականի Սպանութեան Վերաբերեալ

ՈՒԱՇԻՆԿԹԸՆ.- Ամերիկայի Հայ դատի յանձնախումբը Միացեալ Նահանգներու նախագահ Տանըլտ Թրամփին կոչ ուղղած է` ճնշում գործադրելու Թուրքիոյ նախագահ Էրտողանի վրայ, որպէսզի ան բացատրութիւն տայ Գամիշլիի հայ հոգեւորական Յովսէփ քհնյ. Պետոյեանի եւ անոր հօր` Աբրահամ Պետոյեանի սպանութեան վերաբերեալ:

«Մենք հետեւողական պիտի ըլլանք, որ նախագահ Թրամփ  հրապարակաւ ճնշում գործադրէ թուրք նախագահ Էրտողանի վրայ` Տահէշ-ի զինեալներու կողմէ հայ կաթողիկէ հոգեւորականի սպանութեան կապակցութեամբ, Սուրիոյ այն շրջանին մէջ, ուր շարունակաբար կ՛աճի Անգարայի դաշնակիցներուն վերահսկողութիւնը», նշուած է Ամերիկայի Հայ դատի յանձնախումբին հրապարակած յայտարարութեան մէջ:

 

Be the first to comment

Leave a Reply

Your email address will not be published.


*