Արեւելեան Ա․Մ․Ն․-ի Հ.Մ.Ը.Մ.-ի 31-րդ Շրջանային Բանակում

0 0
Read Time:2 Minute, 51 Second

Արեւելեան Ա․Մ․Ն․-ի Հ.Մ.Ը.Մ.-ի շրջանային 31րդ բանակումը տեղի ունեցաւ չորեքշաբթի 14-էն Կիրակի 18 Օգոստոսին, Օհայօ նահանգի Փայոնիր քաղաքի, Ամերիկայի սկաուտական շարժումի Ֆրոնթիր բանակավայրէն ներս, հիւրընկալութեամբ Տիթրոյթի մասնաճիւղին:
Շրջանային Վարչութեան որոշումով բանակումը ձօնուած էր միութեանս երկարամեայ անդամ եւ ծառայութեան շքանշանակիր՝ Եղբայր Լեւոն Բալեանի (Ուաշինկթըն, 1921-2018) յիշատակին։ Բանակումին իրենց մասնակցութիւնը բերին 110 երէցներ, արի-արենոյշներ եւ գայլիկ-արծուիկներ ժամանած Պոսթընէն, Փրովիտէնսէն, Նիւ Ճըրզիէն, Ուաշինկթընէն, Ֆիլատելֆիայէն, Շիքակոյէն եւ Տիթրոյթէն, նաեւ Շարլոթի միաւորէն: Բանակումի ներկայ էին Շրջանային Վարչութեան անդամներ՝ Վիգէն Խաչատուրեան եւ Շանթ Ժամկոչեան եւ Շրջանային Սկաուտական Խորհուրդի անդամ՝ Յովսէփ Մինասեան:
Շրջանային Վարչութիւնը նշանակած էր բանակումի խմբապետական կազմը՝ ընդհանուր խմբապետուհի Նինա Ոսպիկեան (Պոսթոն), փոխ-խմբապետներ՝ Մարիսա Օվասափեան (Շիքակօ) եւ Նիկոլ Քէօրքիւնեան (Ուաշինկթըն) եւ ընդհանուր հերթապահ՝ Այտա Պարսումեան (Պոսթըն):
Բանակումի պաշտօնական բացումը կատարուեցաւ չորեքշաբթի Օգոստոս 14-ի առաւօտեան ժամը 11-ին: Շրջանային վարչութեան անունով խօսք առաւ Շանթ Ժամկոչեանը, որ անդրադարձաւ միջին արեւմտեան ( միտ-ուէսթ) շրջանին մէջ առաջին անգամ կազմակերպուելուն եւ վաստակաւոր եղբայր Լեւոն Բալեանի մեզի ժառանգ թողած բարոյական մեծ առժէքներուն եւ անոնց իմաստին մասին:
Մասնակցողները սկաուտական տեսական եւ գործնական դաստիարակչական նիւթերու եւ գործունէութիւններու (արշաւ, գիշերային գործունէութիւն) կողքին, ներկայացուեցան չորս դասախօսութիւններ
Ա.- Արցախ – Սեպուհ Հացագործեան
Բ.- Հայկական պարարուէստ – Լոռի Փիլիպոսեան եւ Շանթ Ժամկոչեան
Գ.- Հայ Առաքելական եկեղեցւոյ պատմութիւնն ու Կառոյցը – Տէր Հրանդ Քահանայ
Գէորգեան
Դ.- Հայ Դատ – Ճորճի-Անն Օշական
Շաբաթ երեկոյեան, բանակումը հիւրընկալեց Տիթրոյթի գաղութի ծնողներն ու հիւրերը որոնք մասնակցեցան աւանդական խարոյկահանդէսին, եւ նախորդող ընթրիքին: Գիշերուայ խարուկահանդէսին քոյրերն ու եղբայրները ներկայացուցին գեղարուեստական հարուստ յայտագիր մը որ բոլորին կողմէ գնահատուեցաւ ջերմ ծափահարութիւններով:
Բանակումի փակման արարողութիւնը տեղի ունեցաւ շաբաթ երեկոյեան ժամը 7-ին։ Ներկայ էին Ս. Սարգիս Եկեղեցւոյ հոգեւոր Հովիւ Տէր Հրանդ Քահանայ Գէորգեանը, Հ.Յ.Դ. Տիթրոյթի Ազատամարտ Կոմիտէի ներկայացուցիչը, Հ.Մ.Ը.Մ. Տիթրոյթի վարչութեան ատենապետ Հրանդ Կիւլեան, հիւրընկալ մասնաճիւղի վարչութիւնը, սկաուտական խորհուրդը եւ ծնողներ։ Փակման հանդիսութեան ընթացքին Արա Մարկոսեան ստացաւ խմբապետի աստիճան, արարողութիւնը կատարեց ՅովսԷփ Մինասեանը: Հիւրընկալ մասնաճիւղի անունով խօսք առաւ Հ.Մ.Ը.Մ. Տիթրոյթ մասնաճիւղի սկաուտական խորհուրդի ատենապետուհի Լոռի Փոլիպոսեանը՝ նախ շնորհաւորեց սկաուտներուն յաջող բանակումը, շնորհակալութեան խօսք ուղղեց բոլոր կամաւորներուն որ այս ծրագրին յաջողութեան մէջ իրենց մեծ ներդրումին համար: Շրջանային Վարչութեան անունով խօսք առաւ Վիգէն Խաչատուրեանը՝ որ շեշտեց բանակումներուն կարեւորութիւնն ու հայկական ինքնութիւնը պահելու Հ․Մ․Ը․Մ․-ի սուրբ գործը:
Բանակումի յաջողութեան մէջ հիւրընկալ մասնաճիւղի ներդրումը զգալի էր, հակառակ որ բանակավայրի վայրի հեռաւորութեան եւ բանակավայրի խոհանոցի պայմաններուն սահմանաբակութեան, յաջողեցան բանակողները հեզասահօրէն տեղափոխել բանակավայր, ինչպէս նաեւ հիւրասիրեցին համեղ ճաշեր: Հոս տեղին է յատուկ շնորհակալութեան խօսք յայտնել Յակոբ Տօնոյեանին որ սիրայօժար առաջնորդեց խոհանոցի կազմը:
Բանակումի ծրագրի իրագործման մէջ ուշագրաւ էր յարակից միութիւններու եւ համակիրներու առատաձեռն նիւթական եւ բարոյական ներդրումը.-
Հ.Յ.Դ. Տիթրոյթի Ազատամարտ Կոմիտէ, Հ.Օ.Մ.ի Արեւելեան Միացեալ Նահանգներու Շրջանային Վարչութիւն, Հ.Օ.Մ.-ի Տիթրոյթի միջ-վարչութիւն, Տէր եւ տիկին Արա Նշանեան, Տէր եւ տիկին Մայք Արզումանեան, Տէր եւ տիկին Յովհաննէս Մալքաճեան, Տէր եւ տիկին Յակոբ Տէմիրճեան, Տէր եւ տիկին Թորոս Չոբճեան, Տէր եւ տիկին Սէրուժ Պասմաճեան, Տէր եւ տիկին Յակոբ Պալեան, Տէր եւ տիկին Յակոբ Տօնոյեան, Տէր եւ տիկին Ֆատի եւ Գաթիա Խալիֆէ, Տէր եւ տիկին Հրանդ Կիւլեան, Տիկին Թամիցա Տագէսեան։
Վարձքը կատար Հ.Մ.Ը.Մ.-ի Տիթրոյթի Վարչութեան անդամներուն եւ բանակումի յանձնախումբին․- Սօսի Փալանճեան, Թալին Մարկոսեան, Մակի Քիւրտեան, Սեւան Մարկոսեան, Սիլվա Շքլանեան, Համօ Տօնիկեան, Մկօ Տօնիկեան, Շաղիկ Մանուկեան, Ռոզիկ Պասմաճեան եւ Կարինէ Չոփճեան եւ ծնողական յանձնախումբին՝ Արշօ Ճարիճեան, Սեդա Աշիքեան, Ծովինար Ժամկոչեան, Վիվիան Կիւլեան եւ Թամար Ճարիճեան:
Սկաուտ քոյրերն ու եղբայրները բանակումէն բաժնուեցան իրենց հետ տանելով անմոռանալի յիշատակներ, հարստացած նոր ընկերներով ու գիտելիքներով, եւ անկասկած դարձեալ հանդիպելու մինչեւ 32րդ բանակումը որ տեղի պիտի ունենայ 2020-ին Փրովիտենսի մէջ:

Թղթակից

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ստեփանակերտի Մէջ Համաժողով՝ «Համագործակցութիւն Յանուն Արդարութեան Եւ Խաղաղութեան»
Next post ՀԱՐՑԱԶՐՈՅՑ ԼԵՌՆԱ ԳԱՐԱԳԻՒԹԻՒՔԻՆ ՀԵՏ  «ԱՆ Է ՈՐ ԿԱՅ» ՆՈՐԱՏԻՊ ԳԻՐՔԻՆ ԱՌԹԻՒ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles