«Ընտրութիւնները Տեղի Ունեցան  Ժողովրդավարութեան Սկզբունքներուն Համապատասխան», Նշեց Վահրամ Բալայեան

Վահրամ Բալայեանի համաձայն, Արցախի մէջ կուսակցական տարանջատում ընդգծուած չէ, քանի որ նախ եւ առաջ ժողովուրդը կը միաւորեն հողն ու ջուրը: Ժողովուրդի տարբեր շերտերու միասնականութիւնը կը նպաստէ արտաքին ճակատի վրայ պայքարելուն եւ սահմանները անվտանգ պահելուն:

«Մեզի համար իբրեւ կուսակցութիւն կարեւոր է համագործակցաբար նպաստել, որպէսզի մեր կայունութիւնը պահպանուի եւ ամրապնդուի, այնպէս որ` սոսկ դաշնակցական ըլլալը գերխնդիր չէ: Վստահաբար, իբրեւ կուսակցութիւն, մենք կ՛ուզենք իշխանութեան լծակներ ունենալ, որովհետեւ նպատակները, ծրագիրները լծակներ ունենալու պարագային  կրնաս լաւ իրականացնել, ասիկա բնական կը նկատեմ, բայց, անկախ անկէ, թէ ո՛ր կուսակցութեան գործիչները ընտրուած են, մենք ե՛ւ կը շնորհաւորենք, ե՛ւ պատրաստ ենք համագործակցելու: Մեր կուսակցութեան մէջ ալ ունինք ընկերներ, որոնք կրնան այդ պաշտօնը վարել, ինչ որ տեղ մը աւելի լաւ, քան շատ կուսակցութիւններու  ներկայացուցիչներ, բայց մենք մեր տեսանկիւնէն բաց ենք, կ՛ուզենք, որ համաձայնեցուած թեկնածու ըլլայ, որովհետեւ 2020 թուականէն ետք շատ կարեւոր է, որ այդ ընտրուած թեկնածուն լայն շրջանակներ ներկայացնէ, որ դիւրին ըլլայ աշխատիլ, որովհետեւ ծանր շրջան պիտի ըլլայ  արցախեան տագնապին, տնտեսութեան եւ ժողովրդավարական հաստատութիւններու զարգացման առնչութեամբ: Մէկ խօսքով` ցանկալի է, որ հանրութեան լայն շրջանակներու աջակցութիւնը ստանայ 2020-ին ընտրուող նախագահը», յայտնեց ան:

 

 

Be the first to comment

Leave a Reply

Your email address will not be published.


*