Հ.Յ.Դ. – «Ազատութիւն» Հանդիպում

ԵՐԵՒԱՆ.- Յունիս 29-ին, Հ.Յ.Դ. Հայաստանի Գերագոյն մարմինի նախաձեռնութեամբ տեղի ունեցաւ հանդիպում «Ազատութիւն» կուսակցութեան ղեկավար Հրանդ Բագրատեանի եւ իրաւաբանական գիտութիւններու թեկնածու, սահմանադրագէտ Նորայր Փանոսեանի հետ: Դաշնակցութեան կողմէ հանդիպումին մասնակցեցան Հ.Յ.Դ. Հայաստանի Գերագոյն մարմինի ներկայացուցիչ Իշխան Սաղաթէլեան, Հ.Յ.Դ. մասնագիտական ոլորտային յանձնախումբերու համակարգող Արծուիկ Մինասեան եւ Հ.Յ.Դ. Հայաստանի Գերագոյն մարմինի անդամ Արթուր Խաչատրեան:

Հանդիպումին ընթացքին քննարկուեցան երկրի ընկերային-տնտեսական, քաղաքական իրավիճակին վերաբերող հարցերու լայն շրջանակ, այդ կարգին` Արցախ-Հայաստան անվտանգութեան խնդիրներ, դատաիրաւական համակարգի բարեփոխումներ, մեր երկրին համար ներքին ու արտաքին առկայ մարտահրաւէրներ, այդ հարցերուն շուրջ համագործակցութեան կարելիութիւններ: Կողմերը համաձայնեցան շարունակել քաղաքական խորհրդակցութիւնները:

Be the first to comment

Leave a Reply

Your email address will not be published.


*