«Հայաստան Համահայկական Հիմնադրամը Պէտք Է Ըլլայ Կասկածներէ, Ենթադրութիւններէ, Շահարկումներէ Վեր Կառոյց»․ Կը Յայտնէ Հ․Հ․ Նախագահ Արմէն Սարգսեան


ԵՐԵՒԱՆ․- Յունիս 18-ին տեղի ունեցաւ «Հայաստան» համահայկական հիմնադրամի հոգաբարձուներու խորհուրդի եւ տեղական մարմիններու 28-րդ միացեալ նիստը, որ նախագահեց Հայաստանի Հանրապետութեան նախագահ Արմէն Սարգսեանը: Ներկայ էին նաեւ, Հայաստանի վարչապետ Նիկոլ Փաշինեանն ու Արցախի Հանրապետութեան նախագահ Բակօ Սահակեանը:
Հանդէս գալով բացման խօսքով` նախագահ Արմէն Սարգսեան յայտնեց. «Աւելի քան 25 տարի է, «Հայաստան» համահայկական հիմնադրամը կ՛իրականացնէ իր համազգային առաքելութիւնը` իբրեւ Հայաստանը, Արցախը եւ սփիւռքը միաւորող բացառիկ կառոյց: Անիկա Արցախի զարգացման կարեւորագոյն նուիրատուն է այսօր եւ այդպէս ալ պէտք է մնայ ապագային։ «Հայաստան» համահայկական հիմնադրամը պէտք է ըլլայ կասկածներէ, ենթադրութիւններէ եւ շահարկումներէ վեր կառոյց` «Հայաստան, Արցախ, սփիւռք» եւ «հայութիւն» նպատակակէտերով: Ժամանակն է, որ անիկա դառնայ 21-րդ դարու ազգային հաստատութիւն»:

 

 

Be the first to comment

Leave a Reply

Your email address will not be published.


*