Ֆրանսահայութիւնը Ոգեկոչեց 104-ամեակը


ՓԱՐԻԶ (“Նոր Յառաջ”)․- Աստուածամօր (Նոթրը Տամ) մայր տաճարին մէջ նախատեսուած Հայոց ցեղասպանութեան տարեկան աւանդական պատարագը, ծագած հրդեհին պատճառով ջնջուած էր։ Հրդեհէն անմիջապէս ետք Փարիզի Լիբանանի Աստուածամօր տաճարը (Cathedrale Notre-Dame du Liban) առաջարկած էր իր դռները բանալ սոյն արարողութեան համար։
Այսպէս, Հայոց ցեղասպանութեան սրբադասուած նահատակներու յիշատակի ոգեկոչման՝ Հայ կաթողիկէ եկեղեցւոյ պատարագը մատուցուեցաւ վերոնշեալ եկեղեցւոյ մէջ Մեռելոցի օրը՝ Երկուշաբթի, Ապրիլ 22-ի յետմիջօրէին, հոծ բազմութեան մը ներկայութեան, որոնց մէջ բազմաթիւ կրօնական դէմքեր եւ այլ անձնաւորութիւններ, որոնց կարգին՝ Ֆրանսայի Հայոց թեմի առաջնորդ Վահան եպիսկ. Յովհաննէսեան, Հ․Հ․ դեսպանուհի Յասմիկ Տոլմաջեան, Արցախի ներկայացուցիչ Յովհաննէս Գէորգեան, Ֆրանսայի քաղաքական աշխարհի բազմաթիւ ներկայացուցիչներ։
Հայկական ծէսով պատարագը մատուցեց Ֆրանսայի Կաթողիկէ Հայոց Փարիզի Սուրբ Խաչ թեմի առաջնորդ Արհիապատիւ Եղիայեան սրբազան։

Be the first to comment

Leave a Reply

Your email address will not be published.


*