ՀԱՄԱԶԳԱՅԻՆԻ ԱՐԵՒԵԼԵԱՆ Ա.Մ.Ն. ՇՐՋԱՆԱՅԻՆ ՎԱՐՉՈՒԹԻՒՆԸ ՆՇԵՑ ԿՈՄԻՏԱՍԻ ԾՆՆԴԵԱՆ 150-ԱՄԵԱԿԸ

Անի Փանոսեան-Մուրատեան

Կազմակերպութեամբ Համազգային Հայ Կրթական Եւ Մշակութային Միութեան Արեւելեան ԱՄՆ-ի Շրջանային Վարչութեան, Քոլումպիա Համալսարանի Հայկական Կեդրոնին եւ Հայկական Ուսումնասիրութիւններու եւ Հետազօտութիւններու Միութեան, Ուրբաթ, Փետրուար 8-ին հանդիսաւոր յոբելինական միջոցառումով նշուեցաւ հայկական երաժշտութեան հսկայ Կոմիտասի ծննդեան 150-ամեակը, Նիւ Եորքի Քոլումպիա Համալսարանէն ներս։

Համազգայինի Ա.Մ.Ն. արեւելեան շրջանի ատենապետուհի՝ Արեւիկ Գաբրիէլեան եւ Կեդրոնական Վարչութեան ներկայացուցիչ Հրայր Պարոնեան՝ Զմրուխտ Մարգարեան-Սթրաուսին հետ

Հանդիսութեան ներկայ գտնուեցան 120-է աւելի ուսանողներ, մտաւորականներ, երաժիշտներ եւ Ա.Մ.Ն.-ի Արեւելեան տարբեր համայնքներէ ժամանած միութենական ներկայացուցիչներ։

Օրուան հանդիսավարն էր Քոլումպիա Համալսարանի դասախօս՝ Դոկտ. Խաչիկ Մուրատեան։ Երաժշտական յայտագրով հանդէս եկան տաղանդաւոր երաժիշտներ` Լուսին Մուսայէլեան (սոփրանօ), Վաղարշակ Օհանեան (պարիթոն) եւ Արսէն Կետիկեան (ջութակ), կատարելով Կոմիտասի ստեղծագործութիւններէն։

Արմինէ Մինասեան

Օրուան բանախօսն էր Ֆրէնքլըն եւ Մարշըլ Համալսարանի Երաժշտական Ամպիոնի Վարիչ Փրոֆ. Սիլվիա Ալաճաճի։ Ան գեղեցիկ կերպով ներկայացուց Կոմիտասի կեանքն ու գործունէութիւնը՝ Պոլիսէն Էջմիածին ու Եւրոպա, նրա կատարած մշակումները, հազարաւոր հայ ժողովրդական երգերու նոթագրումը եւ կորուստէ փրկումը, անոր ունեցած մեծ ներդրումը հայ հոգեւոր երաժշտութեան մէջ։ Ան նաեւ անդրադարձաւ Կոմիտասի ունեցած ոգեղէն ներգործութեան՝ ինչպէս ամէն հայ ընտանիքի, նոյնպէս ալ իր ընտանիքին վրայ։ Դոկտ. Ալաճաճի նշեց, որ Կոմիտասը հայութեան բոլոր հատուածները իրար միացնող կամուրջ մը եղած է, հաւասարապէս պատկանելով Արեւելահայութեան եւ Արեւմտահայութեան, ինչ որ բացառիկ իրողութիւն մըն է։

Ճորճ Աղճայեան

Բանախօսութեան աւարտին ներկաներուն առիթ տրուեցաւ հարցումներ ուղղել դասախօսին ու տեղի ունեցաւ միտքերու հակիրճ փոխանակում։

Հանդիսութենէն ետք, Դոկտ. Խաչիկ Մուրատեանի բնակարանին մէջ կայացաւ Համազգայինի հիմնադրութեան 90-ամեակի եզրափակման եւ արժանաւոր անձանց պարգեւատրման միջոցառումը:

Խաչիկ Մուրատեան

Համազգայինի Արեւելեան Շրջանային Վարչութեան կողմէ պարգեւատրուեցան համայնքի եօթ բազմավաստակ գործիչներ, որոնք քանի մը տասնամեակ շարունակ իրենց ծառայութիւնը մատուցած են Համազգայինին կամ ընդհանրապէս հայ համայնքին։
Ազատ Աբրահամեան-Գալայճեան
Արեւիկ Գաբրիէլեան եւ Կեդրոնական Վարչութեան ներկայացուցիչ Հրայր Պարոնեան յուշանուէրներ յանձնեցին Ազատ Աբրահամեան-Գալայճեանին (Նիւ Ճըրզի) տասնամեակներ շարունակ իր տարած ուսուցչական գործունէութեան համար, նոյն պատճառով՝ վաստակաշատ մանկավարժ Զմրուխտ Մարգարեան-Ստրաուսին (Նիւ Եորք), Ճորճ Աղճայեանին (Մասաչուսէց)՝ իր նշանակալից աշխատանքի համար հայերու ծագումնաբանութեան ուսումնասիրութեան բնագաւառին մէջ, ինչպէս նաեւ Ուսթըրի մէջ Համազգայինի նորագոյն մասնաճիւղը հիմնադրելու համար:
Տիգրան Թնկրեան (Նիւ Ճըրզի) պարգեւատրուեցաւ ճարտարապետական մանրակերտերու կառուցման մէջ իր մասնագիտական նուաճումներու, նաեւ հայ համայնքի կեանքին տեւական մասնակցութեան համար: Նուպար Երեմեանը (Ֆիլատելֆիա) գնահատանք վաստակած է անխոնջ ու բազմակողմանի մասնակցութեամբ Հայ համայնքի կեանքին՝ նուիրուած գործունէութեամբ եկեղեցւոյ եւ ազգային միութիւններու մէջ: Արմինէ Մինասեան (Նիւ Եորք) եւս վաստակած է իր պարգեւը թէ՛ որպէս Համազգայինի Նիւ Եորքի մասնաճիւղի հիմնադրութիւնից մինչ օրս միութեանը ի սպաս դնելով իր մասնագիտական ու անձնական կարողութիւնները, եւ թէ՛ լաւագոյնս աշխատելով այլ միութիւններու մէջ: Դոկտ. Խաչիկ Մուրատեան (Նիւ Եորք) որ մեծ ու կարեւոր դեր ունի Համազգայինի ArtLinks արուեստի ու գրականութեան ամենամեայ աշխատանոցների կազմակերպման մէջ:
Նուպար Երեմեան

Հրաւիրեալներու մէջ էին նաեւ Հ.Ե.Դ. Ա.Մ.Ն. Արեւելեան Շրջանի Կեդրոնական Վարչութեան անդամ Արամ Թրամպլեան, Հ.Յ.Դ. Արմէն Գարօ Կոմիտէի հերթապահ Արմէն Գաբրիէլեան եւ Հ.Օ.Մ.-ի Ա.Մ.Ն. արեւելեան շրջանի վարչութեան անդամ՝ Մէրի-Անն Պոնճուքլեան, որ սրտառուչ խօսքով շնորհաւորեց Համազգայինի յոբելեանը ու բարի երթ մաղթեց միութեան ապագայ գործունէութեան:
Տիգրան Ռիչըրտ Թնկրեան

Համազգայինի Արեւելեան Ա.Մ.Ն. Շրջանային Վարչութեան ատենապետուհի Արեւիկ Գաբրիէլեան կարեւորեց Համազգայինի դերը ազգապահպանման մէջ. “Ազգը յաւերժանում է իր մշակոյթով: Իսկ առանց մշակոյթի ոչ թէ ազգ, այլ ընդամէնը մարդկանց հաւաքականութիւն կարող է լինել: Մշակոյթը ոչ միայն մեր ինքնութեան պահպանման գրաւականն է, այլև աշխարհի առջև մեր ուրոյն դէմքը: Առանց գիտակցուած հենքի ու հիմքի աճող սերնդին ազգային պատկանելիութիւն ներշնչելն անհնարին է:
Այդ հենքն ու հիմքը հէնց մեր մշակոյթն է, գրականութիւնը, ազգային ժառանգութիւնը: Մեր մասնաճիւղերի ջանքերով է, որ երեխաներն ու պատանիները հաղորդուում են մեր գրականութեանը, պարարուեստին, երաժշտութեանն ու նաև հայագիտական գիտելիքներ ձեռք բերում ամենամեայ Համազգայինի Գիտելիքների Մրցոյթի միջոցաւ (Hamazkayin Armenian Knowledge Bowl): Մի՛ զլացէք ձեր զաւակներին հայ մնալու, գիտակից հայ լինելու հնարաւորութիւնը տալ: Համազգայինի միջոցով հայ մշակոյթին ծառայելը ստուգապէ՛ս բոլորիդ կողմից ազգային նախանձախնդրութեան փայլուն դրսեւորումն է”, ըսաւ ան:

Ջերմ մթնոլորտի ու հիւրասիրութեան կողքին ներկաները վայելեցին իրարու ընկերակցութիւնը, տօնելով Համազգայինի 90-ամեայ վաստակն ու դէպի 100-ամեակը տանող ծրագրերու սկիզբը։

Be the first to comment

Leave a Reply

Your email address will not be published.


*