ՀԱՅ ՄԱՄՈՒԼԻ ՏԱՐԻՆ` «ՀԱՅՐԵՆԻՔ»-Ի 120-ԱՄԵԱԿԸ


Յիշատակելի զուգադիպութիւն մըն էր, երբ Մեծի Տանն Կիլիկիոյ Արամ Ա. Կաթողիկոսը «Հայ Մամուլի Տարի» հռչակեց 2019 թուականը։
«Հայրենիք»-ն ալ, այս տարի կը տօնէ իր 120-ամեակը։
Այս առթիւ, անցեալ Փետրուար 10-ին, յընթացս Սուրբ Պատարագին, արեւելեան Ա․Մ․Ն․-ի Ազգային Առաջնորդարանի եկեղեցիներէն ներս Վեհափառ Հայրապետի պատգամը ընթերցուեցաւ։ Յաւարտ Պատարագին հոգեհանգստեան արարողութիւն կատարուեցաւ Հայ մամուլի հին ու նոր բոլոր նուիրեալ աշխատակիցներու հոգիներուն համար։
Արդէն իսկ, պատրաստութիւններ կը տեսնուին, նշելու համար Մեսրոպաշունչ լեզուի ամենահին թերթի տարեդարձը։ Յառաջիկայ շաբաթներուն, յաւելեալ տեղեկութիւններ պիտի փոխանցուին, տարեշրջանի ընթացքին կատարուելիք հանդիսութիւններու մասին։

Be the first to comment

Leave a Reply

Your email address will not be published.


*