Hairenik Weekly Newspaper

ՀԱՒԱՔ՝ ՆՇԵԼՈՒ ՀԱՄԱՐ ԹԱՒՇԵԱՅ ՅԵՂԱՓՈԽՈՒԹԵԱՆ 100-ԱՄԵԱԿԸ

ԵՐԵՒԱՆ.- Հանրապետութեան հրապարակին վրայ կատարուեցաւ վարչապետ Նիկոլ Փաշինեանի հրաւիրած հանրահաւաքը։

Իր խօսքին մէջ, Փաշինեան նշեց թէ հարիւր օրերու գործունէութեան ընթացքին լուծուած է հիմնական այն հարցը, որ կը նպատակադրէ ապահովել յետ-յեղափոխական շրջանին երկրին բնականոն գործունէութիւնը եւ տնտեսութեան բնականոն զարգացումը։ Ան յայտնեց թէ․- «Հարիւր օրերու ժամանակաշրջանէն ետք, մենք կը թեւակոխենք նոր փուլ, որուն հիմնական իմաստը բարեփոխումներու կենսաւորումն է, որպէսզի մեր երկրին եւ անոր տնտեսութեան համար նոր շունչ ստեղծուի, արագ ընթանայ, որպէսզի կարենանք նաեւ պիւտճէի քննարկումներու շրջագիծին մէջ, ապահով հեռանկարներ եւ արդիւնքներ արձանագրել: Յույս ունիմ, որ այս 100 օրերուն ընթացքին, որուն արդիւնքները կ՛ամփոփուին վաղը՝ Հանրապետութեան հրապարակին վրայ տեղի ունենալիք հանրահաւաքին ընթացքին, կուտակուած բովանդակութիւնը եւ ներուժը մեզի կարելիութիւն կու տան, որ մենք նոր թափով իրագործենք եւ հետամուտ ըլլանք լուծման այն հարցերուն, զորս Հայաստանի քաղաքացիները դրած են մեր առջեւ»։