ԱՒՍՏՐԻՈՅ ՄԷՋ ՀԱՅ ԴԱՏԻ ՅԱՆՁՆԱԽՈՒՄԲԻ ԿԱԶՄՈՒԹԻՒՆ

0 0
Read Time:1 Minute, 31 Second

1 Ռումանիայէն ու Լեհաստանէն ետք, տեղի ունեցաւ  Հայ Դատի յանձնախումբի ստեղծումը  Աւստրիոյ մէջ: Այս առթիւ, Մարտ 18-ին, մայրաքաղաք Վիեննայի մէջ կազմակերպուած միջոցառման, որպէս հրաւիրեալներ ներկայ  էին Աւստրիոյ եւ Հունգարիոյ մէջ Հ.Հ.  արտակարգ եւ լիազօր դեսպան Արման Կիրակոսեանը, Աւստրիոյ հոգեւոր  հովիւ  Տէր Անտրէաս քահանայ Իսախանեանը, Աւստրիոյ հայ համայնքային կառոյցներու ներկայացուցիչներ:  3

Ելոյթ ունենալով,  Եւրոպայի Հայ Դատի յանձնախումբի գրասենեակի  նախագահ Գասպար Կարապետեանը, նախ անդրադարձավ ներկայիս հայ ժողովրդի դիմագրաւած հիմնախնդիրներուն, Թուրքիոյ կողմէ  Հայկական Ցեղասպանության ճանաչման եւ հատուցման հարցին, Թուրքիա Հայաստան յարաբերութիւններուն, Արցախի հարցի ներկայ հոլովոյթին եւ մեր ընելիքներուն, ջաւախահայութեան օժանդակելու խնդրին, Հայաստան-Եւրոմիութիւն մերձեցման գործընթացի շարունակման՝ Մաքսային միութեանՀայաստանի անդամակցութեան  որոշման պայմաններէն ներս, Սուրիոյ հայութեան դիմագրաւած  հիմնահարցերուն:

Գասպար Կարապետեանը շեշտեց, որ Եւրոպայի տարածքին  Հայ Դատի աշխատանքներու ծաւալման առումով իր  կարեւորութիւնն ունի Աւստրիան: Ան պաշտօնապէս յայտարարեց,  որ կազմուած է պիտի գործէ Հայ Դատի յանձնախումբը: Ներկայացնելով, որ յանձնախումբն ունի երիտասարդ եւ որոշակի պատրաստուածութիւն ունեցող կազմ, Կարապետեան ներկաներուն կոչ ըրաւ օժանդակել  Հայ Դատի աշխատանքներուն,  քանի որ անոնք ուղղուած են հայութեան ազգային հիմնախնդիրներու հետապնդման:

Ան նաեւ շնորհակալութիւ յայտնեց դեսպան Կիրակոսեանին՝ ներկայ գտնուելու համար եւ շեշտեց, որ հոն, ուր  կը գործեն  Հայաստանի պաշտօնական դիւանագիտական ներկայացուցչութիւնները,  Հայ դատի գրասենեակները  վերոնշեալ խնդիրներու հարցով կը համագործակցին անոնց հետ:

2Խօսք առնելով դեսպանը, իր  գոհունակութիւնը  փոխանցեց  յանձնախումբի ստեղծման  առթիւ եւ պատրաստակամութիւն յայտնեց  սերտօրէն համագործակցելույանձնախումբին հետ:  Արման Կիրակոսեան առաջարկեց անմիջապէս հանդիպիլ՝ քննելու համար գալիք Ապրիլ քսանչորսի հետ կապուած միասնական գործունէութեանօրակարգը, ինչպէս նաեւ գալիք համատեղ աշխատանքները ծրագրելու նպատակով:

Ապա Աւստրիոյ Հայ Դատի նորաստեղծ յանձնախումբի ատենապետ Կարօ Շատոյեանը ներկայացուց յանձնախմբի կազմը, եւ իր հերթին նշեց, թէ առաջին օրէնանհրաժեշտ է համագործակցիլ դեսպանութեան, ինչպէս նաեւ տեղի բոլոր հայկական կառոյցներուն հետ՝ ծրագրելու եւ համատեղելու նպատակով  աշխատանքները,որոնք  ուղղուած պիտի ըլլան հիմնականին մէջ՝ Աւստրիոյ հանրութեան,  ակադեմական շրջանակներուն եւ  քաղաքական գործիչներուն՝ որոնք կը գործեն, թէ՛ երկրէն ներս եւ  թէ՛ միջազգային հաստատութիւններու։

Ձեռնարկի աւարտին տեղի ունեցաւ զրոյց եւ կարծիքներու փոխանակում, գաղութի կառոյցներու ներկայացուցիչներուն հետ:

 

Աւստրիոյ Հայ Դատի յանձնախումբ, Վիեննա

Եւրոպայի Հայ Դատի յանձնախումբի գրասենեակ, Պրիւքսէլ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԺՈՂՈՎՈՒՐԴՆԵՐՈՒ ԻՆՔՆՈՐՈՇՄԱՆ ԳՈՐԾՕՆԸ
Next post ՀԱՅՐԵՆԻՔ – ԲԱՑԱՌԻԿ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles