20-ԱՄԵԱԿՆԵՐՈՒ ՆՈՒԻՐՈՒԱԾ ՀԱՄԵՐԳ

0 0
Read Time:1 Minute, 13 Second

 Հայերուս համար, կազմաւորուած բանակ ունենալ եւ նաեւ մաս կազմել Միացեալ Ազգերու Կազմակերպութեան` տեսնելով Եռագոյնի ծածանումը աշխարհի տարբեր երկիրներու դրօշակներու կողքին, արդէն ինքնին հրճուանքի առիթ է, իսկ անոնց 20-ամեակը տօնելը` յաւելեալ պարծանք:

Հայաստանի Հանրապետութեան ՄԱԿի անդամակցութեան եւ հայկական բանակի կազմաւորման 20-ամեակի զոյգ առիթներով,  շատ մը ձեռնարկներ տեղի պիտի ունենան հայահոծ գաղութներու մէջ:

Ուրախ ենք յայտնելու, որ Նիւ Եորքի Քաֆմըն (Kaufman) Կեդրոնի Մերքըն (Merkin) համերգասրահին մէջ Շաբաթ, Ապրիլ 28-ին, տեղի պիտի ունենայ բացառիկ համերգ մը, հովանաւորութեամբ Մ.Ա.Կ.-ի մօտ Հայաստանի մշտական ներկայացուցիչ` դեսպան Կարէն Նազարեանի, եւ կազմակերպութեամբ Թէքէեան Մշակութային Միութեան, Համազգային Հայ Կրթական եւ Մշակութային Միութեան, Հայ Օգնութեան Միութեան եւ Վարդանանց Ասպետներու:

 

Կազմակերպիչ Յանձնախումբը իր ունեցած ժողովներուն ընթացքին հանգամանօրէն քննեց համերգի հետ առնչուող բոլոր հարցերը եւ համապատասխան լուծումներով կը շարունակէ աշխատանքը: Համերգէն գոյացած ամբողջ հասոյթը պիտի տրամադրուի հայկական բանակին:

Ձեռնարկին բացման խօսքով եւ պատգամներով ելոյթ պիտի ունենան դեսպան Կարէն Նազարեան, Հայաստանի Հանրապետութեան բանակի զինուորական կցորդ Մեսրոպ Նազարեան, Թէքէեան Մշակութային Միութեան, Վարդանանց Ասպետներու, Հայ Օգնութեան Միութեան եւ Համազգային Հայ Կրթական եւ Մշակութային Միութեան ներկայացուցիչները:

Այս առթիւ, Հայաստանէն հրաւիրուած են սիրուած երգիչներ Ռուբէն Մաթեւոսեան եւ Ռայիսա Մկրտչեան, ինչպէս նաեւ Արեւիկ Ղարիպեան եւ Ճանի Ռուպեան: Ձեռնարկին իրենց մասնակցութիւնը պիտի բերեն “Մեթրոփոլիթըն“ (Metropolitan) Օփերայի թենոր Եղիշէ Մանուչարեան, Պոսթընի Օփերայի երգչուհի Վիքթորիա Աւետիսեան, Ֆրանսայէն ժողովրդական երգիչ Վիգէն Դարբինեան, Ռոտ Այլընտի համայնքի սինֆոնիք նուագախումբը Կոստանդին Պետրոսեանի ղեկավարութեամբ եւ Համազգային Հայ Կրթական եւ Մշակութային Միութեան Նիւ Ճըրզիի մասնաճիւղի “Արեգակ“ պատանեկան երգչախումբը, ղեկավարութեամբ Վաղարշակ Օհանեանի:

Եկէ՛ք միասնաբար տօնախմբենք այս պանծալի տարեդարձները սոյն կարեւոր ձեռնարկին:

ԿԱԶՄԱԿԵՐՊԻՉ ՅԱՆՁՆԱԽՈՒՄԲ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԽՄԲԱԳՐԱԿԱՆ.- ԱԼԻԵՒԻ “ԵՈՒՐՕՎԻԺԸՆ“Ը
Next post ՊԱՔՈՒԻ ՄԷՋ – “ԵՈՒՐՕՆԵՍԹ“Ի ԽՈՐՀՐԴԱԺՈՂՈՎ .- ԱԼԻԵՒ ԲՌՆՕՐԷՆ ՔՆՆԱԴԱՏԵՑ ՀԱՅԱՍՏԱՆԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles