ՀԱՆԴԻՊՈՒՄ Հ.Հ. ՊԱՇՏՊԱՆՈՒԹԵԱՆ ՆԱԽԱՐԱՐ ՍԷՅՐԱՆ ՕՀԱՆԵԱՆԻ ՀԵՏ

0 0
Read Time:59 Second

Նիւ Եորք.-  Չորեքշաբթի, Մարտ 21, 2012-ին, Մ.Ա.Կ.-ի մօտ, Հ.Հ. ներկայացուցչատան մէջ, տեղի ունեցաւ հանդիպում մը` Ա.Մ.Ն. Արեւելեան  շրջանի Հ.Յ.Դ. ներկայացուցիչներու եւ Հ.Հ. Պաշտպանութեան նախարար Սէյրան Օհանեանի գլխաւորած պատուիրակութեան միջեւ: Այս հանդիպման, ներկայ էին նաեւ, Մ.Ա.Կ.-ի մօտ, Հ.Հ. ներկայացուցիչ Կարէն Նազարեան, Ուաշինկթընի մօտ Հ.Հ. դեսպանութեան զինուորական կցորդ գնդապետ Մեսրոպ Նազարեան եւ Առաջնորդական Փոխանորդ Անուշաւան Եպսկ. Դանիէլեան:

Հ.Հ. Պաշտպանութեան նախարար Սէյրան Օհանեանի պատուիրակութեան կ՛ընկերակցէր, անոր օգնական եւ փոխարինող` Դաւիթ Տոնոյեան: Հ.Յ.Դ. պատուիրակութեան մաս կը կազմէին Կեդրոնական Կոմիտէի անդամներ` Տիգրան Խալիկեան եւ Հրայր Պարոնեան, որոնց կ՛ընկերակցէր Նիւ Եորքի “Ա. Գարօ“ Կոմիտէութեան ներկայացուցիչ` Վալոտ Աթախանեան:

Աւելի քան մէկ ժամ տեւող, այս տեսակցութեան արծարծուեցան բանակը յուզող հարցեր: Հ.Յ.Դ. պատուիրակութիւնը շնորհաւորեց, վերջերս մեծ շուքով նշուած բանակի քսանամեակը: Նաեւ խօսուեցան, բանակէն ներս կատարուած անարդարութիւններու մասին: Այս գծով, նախարարը յայտնեց թէ ամէն ճիգ կը թափուի, որպէսզի նման հարցեր չպատահին: Նախարար Սէյրան Օհանեան յայտնեց թէ, արդէն իսկ զեղծարարութեան եւ անկարգապահութեան հարցերը նուազած են յիսուն առ հարիւր համեմատութեամբ:

Ան հաստատեց թէ Հայաստանի բանակը իր պատրաստութեամբ, սարքաւորումներով եւ բարոյականով կը նկատուի շրջանի զօրաւորագոյնը:

Նախարարը եզրակացուց թէ, ան կը գնահատէ Սփիւռքահայութեան կատարած հետեւողական աշխատանքը, հայ դատի բնագաւառէն ներս:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՇԻՔԱԿՈՅԻ ՄԷՋ.- Հ.Յ.Դ. ԲԻՒՐՈՅԻ ԵՒ Ա.Մ.Ն. ԱՐԵՒԵԼԵԱՆ ԵՒ ԱՐԵՒՄՏԵԱՆ ՇՐՋԱՆՆԵՐՈՒ Կ.Կ.-ՆԵՐՈՒ ՀԱՆԴԻՊՈՒՄ ԵՒ ԸՆԴՈՒՆԵԼՈՒԹԻՒՆ
Next post ԺՈՂՈՎՈՒՐԴԷՆ ԾՆԱԾ ՀԱՄԱՄԱՍՆԱԿԱՆ ՑՈՒՑԱԿ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles