ԵՐԵՒԱՆԻ ՄԷՋ ՆՇՈՒԵՑԱՒ ԱՐՔ. ՄԵՍՐՈՊ ԱՇՃԵԱՆԻ 70-ԱՄԵԱԿԸ

0 0
Read Time:52 Second

Հայաստանի Հանրապետութեան Գիտութիւններու Ազգային Ակադեմիայի Պատմութեան Հիմնարկի Մեսրոպ Արք. Աշճեան սրահին մէջ, նշուեցաւ Մեսրոպ Արք. Աշճեանի 70-ամեակը, Յուլիս 1, 2011-ին, կազմակերպութեամբ` Պատմութեան Ինստիտութի տնօրէն, Դոքթ. Աշոտ Մելքոնեանի: Սրահը կը յորդէր զինք սիրողներով եւ իր յիշատակը յարգողներով: Պատին զետեղուած մեծադիր նկարներէն Սրբազանը մեզ հետ էր, իր այնքան իւրայատուկ ու բարի ժպիտով:

Դոկտ. Աշոտ Մելքոնեան, հակիրճ բացման խօսքով շեշտեց Սրբազանի խիստ կարեւոր ներդրումը Հայաստանի անկախութեան առաջին տարիներու քաոսային վիճակի ժամանակ, երբ ան կանթեղի լոյսի նման լուսաւորելով, ճշմարիտ ուղին ցոյց տուաւ շատերուն:

Մարգարիտ Խաչատրեանի տքնաջան ջանքերով, Մուղնիի դպրոցի շրջանաւարտ աշակերտները, Սրբազան հօր կենսագրականը եւ իր մասին արտայայտուած մտքերը ներկայացուցին մեզ, շատ տպաւորիչ կերպով:

Ապա իրենց ջերմ սրտի խօսքով արտայայտուեցան`  Ակադեմիկոս Բարխուդարեան, Ազգային Գրադարանի նախկին տնօրէն` Դաւիթ Սարգիսեան, նկարիչ Յակոբ Յակոբեան, թատերագիր-բանաստեղծ Հրանդ Մարգարեան, գրականագէտ Մարգարիտ Խաչատրեան, Համազգայինի գրասենեակի պատասխանատու` Լիլիթ Գալստեան,   Մուղնիի դպրոցի տնօրէն Մուշեղ Գալստեան եւ ներկայ մտաւորականներէն,  անոնք, որ առնչութիւն ունեցած էին Սրբազանին հետ:

Ձեռնարկի վերջաւորութեան, Սրբազան Աշճեանի քոյրը` Հռիփսիմէ Աշճեան-Սերոբեան շնորհակալութիւն յայտնեց ներկաներուն, բոլոր արտայայտուողներուն եւ Մուղնիի դպրոցի շրջանաւարտներուն եւ տնօրէնին: Դոկտ. Աշոտ Մելքոնեանի փակման խօսքով վերջ գտաւ այս հոգեպարար օրը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԵՐԵՒԱՆԻ ՎԵՐԱՆՈՐՈԳՈՒՈՂ ԿՐԿԷՍԸ
Next post

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles