ՀԱՆԴԻՊՈՒՄ ԼՐԱԳՐՈՂ ՀՐԱՊԱՐԱԳԻՐ ԷՃԷ ԹԵՄԵԼՔՈՒՐԱՆԻ ՀԵՏ

0 0
Read Time:1 Minute, 15 Second

Հինգշաբթի Սեպտեմբեր 30ին, Ուաթըրթաունի (Մասաչուսէց) գրադարանին մէջ, տեղի ունեցաւ ձեռնարկ մը կազմակերպուած »Friends of Hrant Dink«ի կողմէ: Օրուան հիւրն էր, այլախոհ թուրք լրագրող  հրապարակագիր Էճէ Թեմելքուրան, որ ներկայացուց իր »Խոր Լեռ« գիրքը, որուն մէջ կը ներկայացնէ իր դրական մօտեցումներն ու զգացումները, հանդէպ հայութեան: Նախապէս, ան դասախօսած էր Տիթրոյթի եւ Հարվըրտի համալսարաններէն ներս:

Բացման խօսքը կատարեց, »Friends of Hrant Dink« կազմակերպութեան պատասխանատուներէն Հէրի Բարսեղեան, որ նշեց թէ Հրանդ Տինքի սպանութիւնը, որքան ծանր ազդած է իր բազմաթիւ գործակիցներուն վրայ, որոնք արտայայտած են իրենց բողոքը:

Տինքի բարեկամներէն էր նաեւ Էճէ Թեմելքուրան, որ յայտնեց թէ երկար ժամանակէ ի վեր կը փափաքէր գրել այս գործը, սակայն միշտ ալ յետաձգած էր: Ան անգամ մը եւս շեշտեց թէ Արարատը բոլորին համար բարձունք է…գագաթ, բարձր գագաթ, սակայն հայութեան համար խորութիւն…վիթխարի, անծայրածիր ու վեհ խորութիւն:

»Շնորհակալութիւն կը յայտնեմ Թուրքիոյ մէջ բնակող հայերու: Այն օրէն ասդին, երբ գրեցի այս գիրքը, անոնք ամենայն վայելչութեամբ ու քաղաքավարութեամբ սեղմեցին ձեռքս: Մակագրութեան օրերուս իրենց անունները միշտ ցած ու խեղդուկ ձայնով մը արտասանեցին ինծի եւ անկէ ետք ալ ինծի յանձնեցին այդ անօրինակ նուէրները: Ներաշխարհիս խորութիւններէն շնորհակալութիւն կը յայտնեմ Թուրքիոյ մէջ ապրող հայերուն, կամ՝ արտասահմանի այն հայերուն, որոնք իմ գիրքս կարդալէ ետք ինծի նամակներ, նուէրներ եւ ձեռքեր ղրկեցին«, ըսաւ ան եւ յայտնեց թէ այս գիրքով կրցած է համոզել տեղացի թուրքը, որ թշնամական եւ մերժողական մօտեցում չցուցաբերէ:

»Յատկապէս երիտասարդ սերունդին է որ կոչ կÿուղղեմ: Անոնք են ապագան եւ…անշուշտ Տինքի սպաննողը երիտասարդ պատանի մըն էր«, եզրակացուց ան:

Կարճ, սակայն տպաւորիչ արտայայտութենէ մը ետք, առիթ տրուեցաւ հարցպատասխաններու: Նաեւ կարդացուեցան, սոյն գիրքէն քանի մը տպաւորիչ  տողեր:

Թղթակից

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ՀԱՄԱԶԳԱՅԻՆ ՆԻՒ ԵՈՐՔ».- «FAMILY OF SHADOWS» ՀԵՂԻՆԱԿ՝ ԿԱՐԻՆ ՅՈՎՀԱՆՆԻՍԵԱՆ
Next post «ՊՈՍԹԸՆԻ ՀԱՅ ՄՇԱԿՈՒԹԱՅԻՆ ԿԵԴՐՈՆԸ ԿԸ ՊԱՏԿԱՆԻ ՄԵԶԻ… ՄԵՆՔ ԱԼ ԱՅՍ ԿԵԴՐՈՆԻՆ» ԿԸ ՅԱՅՏՆԷ ՊԱՏԱՍԽԱՆԱՏՈՒ ԱՐԱ ՆԱԶԱՐԵԱՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles