ՀԱՅՈՑ ՑԵՂԱՍՊԱՆՈՒԹԵԱՆ 95-ԱՄԵԱԿԻ ՁԵՌՆԱՐԿՆԵՐ…ԱՐԵՒԵԼԵԱՆ Ա.Մ.Ն.-Ի ԶԱՆԱԶԱՆ ԳԱՂԹՕՃԱԽՆԵՐԷ ՆԵՐՍ

0 0
Read Time:1 Minute, 11 Second

ՈՒԱՇԻՆԿԹԸՆի մէջ, Ապրիլ 16էն 25, կատարուեցան քանի մը ձեռնարկներ: Առաջին հերթին, Ապրիլ 16ին, կազմակերպութեամբ տեղւոյն Հ.Մ.Ը.Մ.ին, «Սուրբ Խաչ» եկեղեցւոյ մէջ, տեղի ունեցաւ հոգեճաշ: Ապա, Կիրակի Ապրիլ 18ին, Սուրբ Խաչ եկեղեցւոյ մէջ կատարուեցաւ հաւաքձեռնարկ, մասնակցութեամբ Հ.Մ.Ը.Մ.ին, Շաբաթօրեայ «Համաստեղ» վարժարանին եւ Հայ Երիտասարդաց Դաշնակցութեան: Ներկայ էին Ցեղասպանութեան վերապրողներ՝ Երէցկին Սիրարփի Խոյեան, Ռոզ Պապոյեան եւ Լուսածին Թաթարեան:
Օրուան բանախօսներն էին տոքթ. Ալին Պաղտասարեան (հայերէն) եւ Արամ Սարաֆեան (անգլերէն): Այս վերջինը, իր խօսքին մէջ ըսաւ թէ հայ ըլլալը հպարտութիւն չէ միայն սխրագործութեամբ լի պատմութեամբ, շքեղ մշակոյթով, անմահ հերոսներով, կամ ազգային մարմիններու անդամ ըլլալով, նաեւ օգնութեան ձեռք երկարելով կարօտեալին:
«Հայ ըլլալը հպարտութիւն է Դատի մը պաշտպանման յանձնառութիւնը վերցնելով, յանուն այդ Դատին քարոզչութիւն կատարելով…» եզրակացուց Սարաֆեան:
Տոքթ. Ալին Պաղտասարեան, իր խօսքին մէջ արծարծեց պահանջատիրութեան առաջնահերթութիւնն ու կարեւորութիւնը: Հայրենի բանաստեղծ Պարոյր Սեւակէն տողեր արտասանելով, տոքթ. Պաղտասարեան յայտնեց. «Մենք կը պահանջենք միջազգային ատեաններէն, ճանչնալ եւ դատապարտել Հայոց Ցեղասպանութիւնը: Կը պահանջենք նաեւ թուրք երիտասարդներէն, մտաւորականներէն իրապաշտօրէն սերտել եւ ճանչնալ դաժան անցեալը:…Այս պահանջներու իրականացումը կը կարօտի երկարաշունչ եւ ծրագրուած աշխատանքի:…Մեր պարտաւորութիւնն է արուեստն ու գրականութիւնը անմահ պահել եւ հրամցնե°լ աշխարհին՝ հայ թէ օտար», ըսաւ ան:
Ապրիլ 23ին, տեղի ունեցաւ հաւաք Սպիտակ Տան մօտ, ուր խաղաղ ցոյցով պահանջուեցաւ Հայոց Ցեղասպանութեան պատշաճ ճանաչում: Յաջորդ օրը, կազմակերպութեամբ տեղւոյն Հ.Ե.Դ. «Անի» մասնաճիւղին, տեղի ունեցաւ ցոյց՝ Թուրքիոյ դեսպանատան մօտ: Ապա կատարուեցաւ հաւաք՝ Ուաշինկթընի Հայաստանի դեսպանատան մօտ, որմէ ետք ներկաները փոխադրուեցան Սուրբ Խաչ եկեղեցի, ուր կատարուեցաւ պատարագ եւ հոգեճաշ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԽՈՀԵՐ ԵՒ ԽՈՐՀՐԴԱԾՈՒԹԻՒՆՆԵՐ.- ՏԷ~Ր, ԿԵՑՈ’ ԴՈՒ ԶՀԱՅՍ
Next post ՏԵՂԵԿԱՏՈՒ Հ.Յ.Դ. ԱՐԽԻՒՆԵՐՈՒ ՀԻՄՆԱՐԿԻ ԹԻՒ 9, ԱՊՐԻԼ 2010. ՆԱՄԱԿ ԽԱՐԲԵՐԴԷՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles