ՏՕՆԱԿԱՆ ՕՐԵՐ ԵՒ ՆԻՒ ԵՈՐՔԻ Հ.Օ.Մ.-Ը

0 0
Read Time:1 Minute, 31 Second
Հ.Օ.Մ.-ուհիներ՝ զարդեղէններն ու նուէրները կը դասաւորեն

 Նիւ Եորքի Հայ Օգնութեան Միութեան Մայր մասնաճիւղը ամէն տարի  այս Տօնական օրերու նախօրեակին կը կազմակերպէ ՏՕՆԱԿԱՆ Վաճառք: Այդ օր կը վաճառուին գեղեցիկ նուէրներ մատչելի գիներով եւ Հ.Օ.Մ.ուհիներու կողմէ պատրաստուած զանազան ճաշեր, խմորեղէններ, անուշեղէններ…եւայլն:

            Այս տարի վերոյիշեալ վաճառքը, Հ.Օ.Մ.ի Մայր եւ Էրեբունի մասնաճիւղերը միասնաբար կատարեցին Ս. Սարգիս Եկեղեցւոյ սրահին մէջ: Կիրակի, Դեկտ. 13-ին եկեղեցին արձակուելէ շատ առաջ արդէն երկու մասնաճիւղերու ընկերուհիները սրահ կը գտնուէին, սեղաններուն վրայ նուէրներն ու զարդեղէնները կը դասաւորէին եւ ուտեստեղէններն ալ տուփիկներու մէջ կը տեղադրէին վաճառելու դիւրութեան համար: Այսպիսի ձեռնարկներ պարզապէս կþարտացոլան Հ.Օ.Մ.-մուհիի անսպառ զոհողութեան ոգին, անհատնում եռանդն ու նուիրումը, անսակարկ ու ինքնեկ աշխատանքը: Յատկութիւն մը որ կարծես այնքան բնական է եւ միայն ՀՕՄուհիին յատուկ:

Հ.Օ.Մ.-ուհիներ՝ ուտեստեղէնները կը դասաւորեն

            Պատարագէն ետք, երբ ժողովուրդը եկեղեցիէն սրահ մտաւ, լաւ վաճառք ունեցանք, կոկիկ նիւթական հասոյթ մը ապահովելով Հ.Օ.Մ.ին: Չէ՞ որ միշտ այսպէս եղած է® Հ.Օ.Մ.ի մասնաճիւղեր, տարբեր տեսակի մեծ ու փոքր հասութաբեր ձեռնարկներ կը կազմակերպեն, կաթիլ կաթիլ կը հաւաքեն, բայց եւ հարկ եղած պարագային լիաբուռն կը յատկացնեն հոն՝ ուր որ կարիք ու պահանջ կայ: Դպրոց, եկեղեցի, ուսանողի կրթաթոշակ, Հայաստան ու Արցախ…եւայլն: Հ.Օ.Մ.ի ծրագիրները բազմաթիւ ու բազմատեսակ են:

            Հ.Օ.Մ.ուհին հանգիստ ու դադար չունի, ան մարմնացած նուիրում ու զոհաբերում եղած է անցնող 100 տարուայ ընթացքին եւ կը շարունակէ այդպէս ալ մնալ:

Ամէն ինչ պատրաստ է: Հ.Օ.Մ.-ուհիներ՝ գնորդներու կը սպասեն

 Եւ… համեստաբար խոնարհելով ձեր անխոնջ աշխատանքին առջեւ, սիրելի° ընկերուհիներ, տօնական օրերու բարեմաղթանքներուս հետ ձեզ կ’ուղղեմ մեր ժողովուրդի այնքան պարզ ու հարազատ սրտի խօսքը:

 “Վարձքերնիդ կատար” 

                                                                                                                                                                                    Հ.Օ.Մ.-ուհի

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅՐԵՆԻ ԱՄԱՆՈՐ
Next post ՈՉ ԵՒՍ Է ԶՕՐԱՎԱՐ ԴՐՈՅԻ ՈՐԴԻՆ՝ ՄԱՐՏԻԿ ԿԱՆԱՅԵԱՆԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles