ՃՈՆ ՄԸՔՔԷՅՆԻ ԱՐՏԱՅԱՅՏՈՒԹԻՒՆԸ Ի ՆՊԱՍՏ ՀԱՅՈՑ ՑԵՂԱՍՊԱՆՈՒԹԵԱՆ

0 0
Read Time:1 Minute, 9 Second

mccain Վերջերս, Թիֆլիսի (Վրաստան) մէջ կատարուած հարցազրոյցի մը ընթացքին, Ծերակուտական եւ վերջին նախագահական ընտրութիւններուն թեկնածու Ճոն ՄըքՔէյն (Հանրապետական – Արիզոնա) յայտնեց թէ ստոյգ փաստեր կան թէ 1915-ին կատարուած հայերուն ջարդը, կանխամտածուած ու կազմակերպուած էր եւ կարելի է սեպել իբրեւ ցեղասպանութիւն: «Կը կարծեմ թէ պատահածը ցեղասպանութիւն է եւ այդ գծով ալ բաւարար փաստեր գոյութիւն ունին…» յայտնած է ՄըքՔէյն:

Միւս կողմէ, Հ.Յ.Դ. Ամերիկայի Հայ Դատի յանձնախումբը, այս շաբաթասկիզբին ձեռնարկեց նոր արշաւ մը, որուն նպատակն է համոզել Միացեալ Նահանգներու նախագահ Պարաք Օպամային՝ ուղղակիօրէն Թուրքիոյ վարչապետ Էրտողանին յայտնելու, որ ամերիկացի ժողովուրդը կþակնկալէ Հայոց Ցեղասպանութեան հարցի արդարացի լուծումը:

 Էրտողան Միացեալ Նահանգներ պիտի այցելէ, յառաջիկայ Դեկտեմբեր 7-ին եւ պաշտօնական հանդիպում մը պիտի ունենայ նախագահ Օպամայի հետ:

Մէկ ամսուան արշաւին ընթացքին, յանձնախումբի կայքէջին վրայ՝ www.anca.org/countdown, ամէն օր պիտի տեղադրուին եւ թարմացուին Հայոց Ցեղասպանութեան ճանաչման աջակցելու կոչեր՝ Միացեալ Նահանգներու Քոնկրէսին լրատուամիջոցներուն եւ Սպիտակ տան ուղղուած:

Նշենք թէ ծերակուտականներ՝ Ռապըրթ Մենենտէս (Դեմոկրատական, Նիւ Ճըրզի) եւ Ճոն Էնսայն (Հանրապետական, Նեվատա) Հայոց Ցեղասպանութեան ճանաչման համար բանաձեւ մը առաջարկած էին: Սոյն բանաձեւը յար եւ նման է թիւ 252 բանաձեւին, որ տարեսկիզբին առաջարկած էին ծերակուտականներ՝ Ատըմ Շիֆ (Դեմոկրատական, Գալիֆորնիա), Ճորճ Ռատանովիչ (Հանրապետական, Քալիֆորնիա), Ֆրանք Փալոն (Դեմոկրատական, Նիւ Ճըրզի) եւ Մարք Քըրք (Հանրապետական, Իլլինոյ): Այս բանաձեւին դէմ արտայայտուած էր Միացեալ Նահանգներու մօտ, Թուրքիոյ դեսպան Նապի Շէնսօ, որ մատնանշած էր թէ Հայոց Ցեղասպանութեան ճանաչումը պահանջող բանաձեւը, Ծերակոյտէն ներս ներկայացնելը ցաւալի զարգացում մըն է, յատկապէս Ցիւրիխի մէջ կատարուած երկկողմանի արձանագրութիւններէն ետք:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «ԲՌՆԱԳՐԱՒՈՒԱԾ ՏԱՐԱԾՔՆԵՐԸ ԿԸ ՊԱՏԿԱՆԻՆ ԱՏՐՊԷՅՃԱՆԻՆ» ԿԸ ՅԱՅՏՆԷ ԿԻՒԼ
Next post ՀԱՅ-ՎՐԱՑԱԿԱՆ ՍԱՀՄԱՆ.- ՊԱՇԱՐՈՒԱԾ ՉԱՆԱԽՉԻՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles