ՏԻԹՐՈՅԹ ՆՇԵՑ Հ.Օ.Մ.Ի ՀԱՐԻՒՐԱՄԵԱԿԸ

0 0
Read Time:2 Minute, 14 Second

Հ.Օ.Մ.ական

Հ.Օ.Մ.ի Տիթրոյթի մասնաճիւղը իր հինգ ենթամասնաճիւղերով՝ »Սիպիլ«, »Շաքէ«, »Ցոլիկ«, »Մարօ« եւ »Զապէլ«, տօնախմբեց Հայ Օգնութեան Միութեան հիմնադրութեան հարիւրամեակը՝ աւելի քան 150 հայորդիներու մասնակցութեամբ:

New Image
Ձեռնարկը տեղի ունեցաւ նոր գաղափարով մը՝ յղացուած հարիւրամեակի յանձնախումբի անդամներու կողմէ: Մասնակիցներու ժամադրավայրն էր St. Clear Shoreը, Կիրակի Յունիս 7, 2009 ժամը 4:30, իսկ տօնակատարութիւնը տեղի ունեցաւ »Ovation« եռայարկ շքեղ զբօսանաւուն վրայ:

100_0522
Ժամը 4:15էն մասնակիցներ արդէն սկսած էին հաւաքուիլ, սպասելով նաւակայմի եւ 100ամեակի յանձնախումբի անդամներու ցուցմունքներուն: Ժամը 4:30ին ներկաները հիւրընկալուեցան նաւուն վրայ: 5:15ին նաւը ձգեց քարափը՝ սկսելով չորս ժամուան շրջապտոյտը Տիթրոյթ գետին վրայ:
Օրուան հանդիսավար ընկերուհի Թալին Յակոբեան հրաւիրեց ընկերուհիներ՝ Սօնա Մշիկեան եւ Սօնա Տէր Յովակիմեան երգելու Հ.Օ.Մ.ի քայլերգը, որմէ ետք բարի գալուստի իր խօսքին մէջ շնորհակալութիւն յայտնեց ներկաներուն, Հ.Օ.Մ.ի ընկերընկերուհիներուն, համակիրներուն եւ յանձնախումբի անդամներուն՝ ընկերուհիներ, Հելէն Տարագճեանին, Անի Ադդարին, Մայիս Գաֆաֆեանին, Սօնա ՏէրՅովակիմեանին, Սօսի Ստեփանեանին, Թալին Մարկոսեանին, Թալին Յակոբեանին Շողիկ Տէմիրճեանին և Ռոզիկ Երեմեանին, ինչպէս նաեւ անդրադարձաւ ներկայ կղերականներուն՝ Ս. Սարգիս Եկեղեցւոյ հովիւ՝ Տէր Տարօն քհնյ Ստեփանեանին եւ Ս. Վարդան Հայ Կաթողիկէ եկեղեցւոյ հովիւ՝ Գերապատիւ Անտոն Վրդ. Ադամեանին, Կեդրոնական Վարչութեան անդամ ընկերուհի Շաքէ Պասմաճեանին եւ Շրջանային Վարչութեան անդամ՝ ընկերուհի Անի Ադդարին:
Ընկերուհի Թալին ողջունեց նաեւ ներկայութիւնը գաղութիս բարերար եւ Կիլիկիոյ Իշխան՝ Տէր եւ Տիկին Ժան եւ Ռոզ Մանուկեանները իրենց ընտանիքով, ապա ներկայացուց օրուան հիւր բանախօսը՝ բոլորին ծանօթ, Հ.Օ.Մ..ի երկար տարիներու ծառայած և Հ.Օ.Մ.ի 100ամեակի յանձնախումբի ատենապետուհի ընկերուհի Անժել Մանուկեանը որպէսզի փոխանցէ իր խօսքը:

100_0530
Ընկերուհի Մանուկեան համառօտ կերպով անդրադարձաւ Հ.Օ.Մ.ի կարեւոր դերին՝ հայրենիքի թէ սփիւռքի մէջ: Ան իր ուրախութիւնը յայտնեց՝ ի տես երիտասարդ սերունդի մասնակցութեան թէ ձեռնարկին եւ թէ Հ.Օ.Մ.ի շարքերէն ներս:
Ընկերուհի Թալին հրաւիրեց Տէր Տարօնը, որպէսզի օրհնէ ճաշը եւ փոխանցէ իր պատգամը:
Տէր հայրը նախ շնորհաւորեց Հ.Օ.Մ.ի հարիւրամեակը, ապա վեր առաւ Հ.Օ.Մ.ի տարած աշխատանքը, քաջալերեց նոր սերունդի մասնակցութիւնը Հ.Օ.Մ.ի աշխատանքներուն և մաղթեց, որ Հ.Օ.Մ.ի ոսկեայ սիրտը շարունակէ բաբախել յաջորդ հարիւրամեակներուն:
Երկու յարկերու վրայ տարածուող ուտելիքի սեղանները կը յորդէին առատութեամբ: Ներկաներուն  հրամցուեցան զանազան ճաշատեսակներ եւ համադամ աղանդերներ:
IMG_0924

Գեղարուեստական բաժինը յանձնուած էր գաղութիս ճանչցուած արուեստագէտ Պր. Թամ Կրճիգեանի որ իր նուագով ճոխացուց մթնոլորտը: Ճաշէն ետք իրեն միացաւ գաղութիս սիրուած երգիչ՝ Պր. Սէմ Ալաճաճեանը, որ մթնոլորտին տուաւ նոր զարկ՝ երգելով աշուղական, ժողովրդային եւ ազգային յեղափոխական երգեր:
Ներկաները անմաս չմնացին եւ խանդավառուած նաւուն երրորդ յարկը վերածեցին հանդիսասրահի ու հայկական շուրջպարով եւ ազգային երգերով թնդացուցին մթնոլորտը:
Չորս ժամեր սահած էին աննկատելիօրէն եւ նաւը կը մօտենար քարափին:
Ներկաներուն տրամադրութիւնը բարձր էր: Ժողովուրդը լաւ տրամադրութեամբ դուրս եկաւ նաւէն եւ իւրաքանչիւրը ստացաւ յատուկ յուշանուէր մը:
Կը շնորհաւորենք Հ.Օ.Մ.ի հարիւրամեակը եւ շնորհակալութիւն կը յայտնենք Տիթրոյթի հարիւրամեակի յանձնախումբին, որ տուաւ յիշատակելի եւ անմոռանալի օր մը բոլոր մասնակցողներուն: Վարձքերնիդ կատար:

IMG_0931
IMG_0933

About Post Author

admin

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՏԻԹՐՈՅԹԻ ՄԷՋ ՀՐԱՊԱՐԱԿԱՅԻՆ ԶՐՈՅՑ` ՀԱՅԹՐՔԱԿԱՆ ՅԱՐԱԲԵՐՈՒԹԻՒՆՆԵՐ
Next post ՀՀ ՍՓԻՒՌՔԻ ՆԱԽԱՐԱՐԸ ԱՅՑԵԼԵՑ Հ.Օ.Մ.Ի ԿԵԴՐՈՆԱԿԱՆ ԳՐԱՍԵՆԵԱԿ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles