Սումկայիթի Զոհերու Յիշատակի Ոգեկոչում

0 0
Read Time:1 Minute, 7 Second

ՍՏԵՓԱՆԱԿԵՐՏ.- Սումկայիթի ջարդերու 29-րդ տարելիցին առիթով, Արցախի նախագահ Բակօ Սահակեան, Փետրուար 28-ին, Հայ Առաքելական եկեղեցւոյ Արցախի թեմի առաջնորդ Պարգեւ արք. Մարտիրոսեանին եւ հանրապետութեան բարձրաստիճան ղեկավարութեան ընկերակցութեամբ այցելեց տեղւոյն յուշահամալիրը եւ ծաղիկներ զետեղեց 1988 թուականին Սումկայիթի կոտորածներուն զոհ գացած անմեղ հերոսներուն յիշատակը յաւերժացնող յուշակոթողին առջեւ:
Երեւանի մէջ, Հայաստանի Ազգային ժողովին պատգամաւորները մէկ վայրկեան լռութեամբ յարգեցին Սումկայիթի կոտորածներու զոհերուն յիշատակը: Ազգային ժողովի նիստի ազդանշանին, Հայաստանի Ազգային ժողովի նախագահ Գալուստ Սահակեան նշեց, որ Փետրուար 28-ը Ատրպէյճանի մէջ կազմակերպուած կոտորածներու զոհերուն յիշատակի եւ բռնագաղթած հայ բնակչութեան իրաւունքներու պաշտպանութեան օրն է:
Արցախի Ազգային ժողովի արտաքին յարաբերութիւններու մնայուն յանձնախումբը յայտարարութիւն մը հրապարակեց, որուն մէջ կը տեղեկացնէր թէ Սումկայիթ քաղաքին մէջ ատրպէյճանական իշխանութիւններուն կողմէ հայ բնակչութեան դէմ նախապէս ծրագրուած եւ կազմակերպուած զանգուածային ջարդեր իրականացած են: Օգտուելով ամենաթողութեան մթնոլորտէն եւ ի գործ դնելով դաժանութեան բոլոր կարելի գործիքները` ջարդարարները անողոքաբար սպաննած ու խոշտանգած են քանի մը տասնեակ հայեր, իսկ քաղաքը իրենց ձեռքերով կառուցած աւելի քան քսան հազար հայ անձեր բռնութիւններու եւ թալանի ենթարկած են:
Օգտուելով Խորհրդային Միութեան ղեկավարութեան անտարբերութենէն եւ փորձելով խոչընդոտել Արցախի ժողովուրդի ինքնորոշման իրաւունքի իրականացումը` Ատրպէյճան շարունակած է իր հայատեաց քաղաքականութիւնը` ցեղասպանութեան ալիքը ընդլայնելով նաեւ Ատրպէյճանական խորհրդային հանրապետութեան այլ հայաշատ բնակավայրերուն մէջ, մասնաւորապէս Նոյեմբեր 1988-ին` Կիրովապատի եւ Յունուար 1990-ին` Պաքուի մէջ:
«Կոչ կ՛ուղղենք միջազգային հանրութեան եւ բոլոր երկիրներու խորհրդարանական կառոյցներուն դատապարտելու Սումկայիթի հայ բնակչութեան զանգուածային ջարդերը` անոնց տալով պատշաճ իրաւական գնահատական» կ՛եզրակացնէ յայտարարութիւնը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Ատրպէյճանի Յարձակումներուն Դէմ Ցոյցեր Ուաշինկթընի Եւ Նիւ Եորքի Մէջ
Next post «ԵՍ ՍԷՆ ՎԱԼԱՆԹԷՆԸ ՉԵ՛Մ ՍԻՐԵՐ» ԿԱՄ ԱԼ ՝ ՈՒՐԱԽ ԲԱՐԵԿԵՆԴԱՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles