0
0
Մայրերու տօնին առթիւ, Մայիս 2-ին, Նիւ Եորքի մէջ կազմակերպուած յատուկ ձեռնարկի մը ընթացքին, պարգեւատրուեցաւ Լիւսի Իշխանեանը, որ տարիներ շարունակ ծառայած է Ա.Մ.Ն. Արեւելեան շրջանի Առաջնորդարանին: Ձեռնարկը կազմակերպուած էր թեմի տիկնանց յանձնախումբին կողմէ, Նիւ Եորքի պատմական “Palace“ սրահին մէջ:
Բարեջան Առաջնորդ Օշական Արք. Չօլոյեան, յայտնեց թէ “Զապէլ Թագուհի“ պարգեւն է, որ կը յանձնուի տիկին Իշխանեանին: Նշենք թէ Զապէլ Թագուհին եղած է առաջին փափուկ սեռի թագուհին, որ կրցած է բարեկարգումներ եւ ի նպաստ հայ կնոջ համար պայքար մղել: Ան դուստրն էր Մեծն Լեւոն թագաւորին, որ յաջորդեց իր հօր, երեւոյթ մը, որ օրին մեծ ու անսպասելի անակնկալ մըն էր: Ան, իր ամուսնոյն` Հէթում թագաւորին հետ, ոչ թէ կրցաւ մեծ յաջողութեամբ կատարել իր պաշտօնը, այլ նաեւ իր նոր յղացումներով եւ գաղափարներով, աննախընթաց ժողովրդականութիւն վայելեց:
“Մեր օրերու Զապէլ թագուհին է Լիւսի Իշխանեանը, որ հայ մշակոյթի եւ երաժշտութեան մէջ, կատարած է իր ներդրումը…“ ըսաւ Բարեջան Առաջնորդը:
Լիւսի Իշխանեանի մասին, յաւելեալ զեկուցեց Արիս Փափազեանը, որ ձեռնարկի պատասխանատուն էր: Ան յայտնեց թէ Իշխանեան փոքր տարիքէն կառչած է երաժշտութեան աշխարհին: “Այս տարուայ պարգեւատրուողը, մեր բոլորին ծանօթ է: Ո՜վ չի ճանչնար օրուան պարգեւատրուողը: Արդարեւ, Լիւսի Իշխանեան փոքր տարիքէն, կապուած իր դաշնակին, ան եօթ տարեկան էր, երբ ունեցաւ իր առաջին ելոյթը: Ճիւլիըրտ հիմնարկի ամէնէն աւելի երիտասարդ աշակերտներէն էր ան: Ուսման ծառաւ ունէր Լիւսի եւ հասաւ մինչեւ տոքթորականի` Քոլումպիա համալսարանէն: Յիշատակելի է, որ միշտ ալ ան իր յայտագրին մէջ, նկատի առած էր հայկական գործ մը…“ ըսաւ Փափազեան, որ աւելցուց թէ, ան երաժշտութեան կողքին, նաեւ գեղանկարիչ է եւ բանաստեղծ ու վիպագիր:
Նշենք թէ, Լիւսի 1992-ին գաղափարը յդացած է գործակցութիւն մը ստեղծելու Ճիւլիըրտ հիմնարկի եւ Երեւանի Կոմիտաս անուան երաժշտանոցին միջեւ:
Այսպէս, ցայսօր հետեւողական դրութեամբ, Երեւանէն կը ժամանեն ապագայ խոստացող աստղեր, օժանդակութիւն ստանալով, Լիսի Իշխանեանի մտայղացած “Armenian Scholarship Fund“ հիմնարկէն:
Այս յոյժ յիշատակելի ձեռնարկին առթիւ, նաեւ ներկայացուեցաւ գեղարուեստական յայտագիր մը, որուն ընթացքին ելոյթ ունեցան Սիւսի Փօթիկեան (ջութակ), Ալեքսանտր Կիւրէվիչ (վիոլա) եւ Ալեքս Սաքարելոս (ջութակ):
Ներկայ մը
