Գլխաւոր
ԶԱՐԱՔՕԼՈՒ ԱԶԱՏ Կ՛ԱՐՁԱԿՈՒԻ
ՊՈԼԻՍ .- Թուրք այլախոհ Ռակըպ Զարաքօլու, որ Հոկտեմբեր 2011-էն ի վեր ձերբակալուած էր, Երեքշաբթի, Ապրիլ 10-ին ազատ արձակուած է տասնըհինգ այլ գաղափարակից գործընկերներու հետ: Քիւրտիստանի բանուորական կուսակցութեան դէմ մղուած Թուրքիոյ պետութեան պայքարին ծիրէն ներս, կատարուած էր այս ձերբակալութիւնը:
Դատարանը նշած է թէ ազատ արձակման հիմնաւորում տրուած է, նկատի ունենալով կալանքի տակ մնալու ժամկէտը, յանցագործութեան բնոյթի փոփոխութեան հաւանականութիւնը եւ գոյութիւն ունեցող փաստերը:
Դեռ անցեալ շաբաթ, դատախազը Զարաքօլուն մինչեւ 15 տարուան բանտարկութեան դատապարտելու առաջարկ ներկայացուցած էր:
Նշենք թէ ան Հայոց Ցեղասպանութիւնը ճանչցած եւ այդ գծով բազմիցս գիտաժողովներ կազմակերպած եւ շարք մը հրատարակութիւններ լոյս ընծայած է իր “Պելկէ“ հրատարակչութեան միջոցով:
