0
0
Լուսանկար՝ Նազիկ Արմենակեան («Արմինիա Նաու»)
Երեւանի մէջ, Ապրիլ 6-ին, ազդանշանը տրուեցաւ Մարդկանց Իրաւունքներու Միջազգային Համադաշնակցութեան (FIDH) 37-րդ ընդհանուր համագումարին:
Համադաշնակցութեան նախագահ տիկին Սուհայր Պելհասէնը կարեւոր նկատեց այս համագումարը եւ յատկապէս նշեց թէ կը զուգադիպի Աշխարհի առաջին Ցեղասպանութեան՝ Հայոց Եղեռնի 95-ամեակին:
Նշենք թէ համագումարի բացման, խօսք առաւ Հայաստանի Սահմանադրական դատարանի նախագահ Գագիկ Յարութիւնեան: Իսկ, ձեռնարկի ընթացքին, Երեւանի օփերայի շէնքին մօտ« բողոքի ցոյց մը կազմակերպուած էր ընդդիմադիր Հայ Ազգային քոնկրէսի կողմէ: Այս առթիւ, ցուցարարները յատուկ պատրաստութիւններ կատարած էին եւ կենդանի պատկերներ պատրաստած` ցոյց տալու համար թէ մարդկանց իրաւունքները ոտնակոխուած են:
Այս համագումարին մասնակցողները, որոնց թիւը կը գերազանցէ երեք հարիւրը, այցելեցին Ծիծեռնակաբերդ, յարգանքի տուրք մատուցանելու՝ զոհերու յիշատակին:
