ԱՐԵՒԵԼԵԱՆ Ա.Մ․Ն․-Ի ԱՌԱՋՆՈՐԴ ՍՐԲԱԶԱՆԸ ԱՅՑԵԼԵՑ ԻՆՏԻԸՆ ՕՐՉԸՐՏ

0 0
Read Time:59 Second

Կիրակի, Յունուար 16-ին, Ա․Մ․Ն․ արեւելեան Թեմի բարեջան Առաջնորդ՝ Գերշ. Տ. Անուշաւան Արքեպիսկոպոս Դանիէլեան մասնակցեցաւ Ինտիըն Օրչըրտի (Մասաչուսէց) Ս. Գրիգոր Լուսաւորիչ եկեղեցւոյ մէջ կատարուած Սուրբ Պատարագին։ Սրբազան Հայրը փոխան քարոզի ընթերցեց Մեծի Տանն Կիլիկիոյ Հայրապետ՝ Նորին Սուրբ Օծութիւն Տ. Տ. Արամ Ա. Կաթողիկոսի հռչակագիրը՝ «2022- Սփիւռքի Տարի», որ Թեմի բոլոր եկեղեցիներուն մէջ եւս կարդացուեցաւ։

Օրուան Աւետարանի ընթերցումին զուգորդելով Նորին Սրբութեան առաջադրած կենսական ծրագիրները, Առաջնորդ Սրբազան Հայրը եզրակացուց իր խօսքը, ըսելով. «Քրիստոսի պատգամը բոլոր դարերու հաւատացեալներուն միեւնոյնն է՝ Աստուծմով ամէն ինչ կարելի է։ Եթէ բնութեան օրէնքները անդրանցնելով հարսանեկան խրախճանքին ջուրը գինիի փոխուեցաւ, մեզմէ իւրաքանչիւրը եւս նուիրումի իր գաւաթ մը ջուրը երբ ներկայացնէ Ամենակարողին, Ան ուրախարար գինիի պիտի վերածէ զայն, որպէսզի ազգային մեր կեանքի հարսանեկան խրախճանքը շարունակուի»։

Նկատի ունենալով որ նախորդ օրը՝ Շաբաթ, Սուրբ Յովհաննէս Մկրտիչի տօնն էր, յաւարտ Սուրբ Պատարագին, Առաջնորդ Սրբազան Հայրը Սուրբին Աջով ջրօրհնէք կատարեց, հայցելով Ամենակալէն որ «մարգարէներու մէջ մեծագոյն ծնունդ՝ Սուրբ Յովհաննէս Կարապետ Մկրտչին» բարեխօսութեամբ զօրացնէ մեր հաւատքը, եւ փրկէ մերօրեայ չարամիտ Հերովդէսներէ եւ երեւելի ու աներեւոյթ ամէն փորձութենէ։

Եկեղեցական արարողութիւններէն ետք, սրահին մէջ Սրբազան Հայրը գնահատեց հոգեւոր հովիւ՝ Արժպ. Տ. Պետրոս Քհն. Շիթիլեանի, հոգաբարձութեան եւ յարակից մարմիններու ու քոյր կազմակերպութեանց համագործակցութիւնը, մաղթելով որ յառաջիկայ հանդիպումը կը կատարուի բնականոն պայմաններու տակ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles