Հ.Յ.Դ. Երիտասարդականը Մասնակցեցաւ Ընկերվարական Երիտասարդներու Խորհուրդի Ժողովին

ՊՈՒԵՆՈՍ ԱՅՐԷՍ.- Մարտ 23-26-ին, Արժանթինի Ռոսարիօ քաղաքին մէջ կայացաւ Ընկերվարական երիտասարդներու միջազգային միութեան (International Union of Socialist Youth, IUSY) Համաշխարհային խորհուրդի ժողովը, որուն ներկայ էին միութեան անդամ կազմակերպութիւններ, շուրջ 200 ներկայացուցիչներով: Հ․Յ․Դ․ Երիտասարդականը ժողովին մասնակցեցու երկու ներկայացուցիչներով` Ֆլօրենսիա Զանիքեան (Հ․Յ․Դ․ Հարաւային Ամերիկայի երիտասարդական միութիւն) եւ Ընկերվարական երիտասարդներու միջազգային միութեան փոխնախագահ եւ Սեւծովեան տարածաշրջանի համակարգող Կարօ Շատոյեան:
Ժողովի բացման ելոյթով հանդէս եկան Արժանթինի ընկերվարական կուսակցութեան ատենապետ Անտոնիօ Պոնֆատին, ինչպէս նաեւ տեղացի այլ բարձրաստիճան պաշտօնեաներ եւ եւրոպական կազմակերպութիւններու ներկայացուցիչներ:
Քննարկումներու ժամանակ,Ընկերվարական երիտասարդներու միջազգային միութեան աւագ սերնդի ներկայացուցիչները ներկայացուցին իրենց գործունէութէան շրջանում կատարուած աշխատանքները, ինչպէս նաեւ նոր սերունդին փոխանցեցին իրենց փորձառութիւնը եւ գիտելիքները:
Ընկերվարական երիտասարդներու միջազգային միութեան Սեւծովեան տարածաշրջանի փոխնախագահ Կարօ Շատոյեանը, իր ելոյթին խօսեցաւ Եւրոպայի եւ յատկապէս Սեւծովեան տարածաշրջանում ընդհանուր տնտեսական խնդիրներուն, հակամարտութիւններուն, մարդու իրաւունքներին առնչուող եւ այլ հարցերու մասին, անդրադառնալով նաեւ Արեւելեան երկիրների եւ Ռուսաստանի միջեւ փոխյարաբերութիւններու զարգացման` կոչ ընելով ներկաներուն աւելի մեծ ուշադրութիւն դարձնել նշուած շրջանի խնդիրներուն:
Եռօրեայ համագումարի ընթացքում Ընկերվարական երիտասարդներու միջազգային միութեան խորհուրդի ժողովը քննարկումներու ընթացքին վաւերացուց շարք մը բանաձեւեր Պելառուսիոյ եւ Կիպրոսի իրավիճակի եւ կանանց իրաւունքների մասին, ինչպէս նաեւ տեղի ունեցան տարածաշրջանային հանդիպումներ: Հ․Յ․Դ․ Երիտասարդականը մասնակցեցաւ եւրոպական կոմիտէին, որպէս Սեւծովէան տարածաշրջանի անդամ:
Ժողովի եզրափակիչ օրը նշուեցաւ 41 տարի առաջ Արժանթինի մէջ հաստատուած ամբողջատիրական կարգերու դէմ պայքարի ընթացքին զոհուածներու յիշատակին նուիրուած օրը: Կատարուեցաւ քայլարշաւ, որուն մասնակցեցան նաեւ ժողովի մասնակիցները:
Ընկերվարական երիտասարդների միջազգային միութեան Համաշխարհային խորհուրդը, համաշխարհային համագումարէն ետք հիմնական որոշում կայացնող ժողովն է, որ կը գումարուի երկու տարին մէկ անգամ: Վերջին անգամ, այս ժողովը կատարուած էր Հայաստանի մէջ:
Ընկերվարական երիտասարդների միջազգային միութիւնը Ընկերվար-միջազգայնականի ուղեկից երիտասարդական կազմակերպութիւնն է, որուն կ՛անդամակցին աւելի քան 143 կազմակերպութիւննէր աշխարհի շուրջ հարիւր երկրներէն: Հ․Յ․դ․ Երիտասարդականը Ընկերվարական երիտասարդներու միջազգային միութեան լիիրաւ անդամ է:
Նշենք թէ, Մարտ 10-11-ին Կիպրոսի մայրաքաղաք Նիկոսիոյ մէջ կայացած էր Ընկերվարական երիտասարդներու միջազգային միութեան Միջերկրական կոմիտէի ժողովը, որուն մասնակցած էին տարբեր կազմակերպութիւններու ներկայացուցիչներ՝ Պաղեստինէն, Իսրայէլէն, Արեւմտեան Սահարայէն, Իրանէն, Լիբանանէն եւ այլ երկրներէն:

Հակառակ Ընկերվարական երիտասարդներու միջազգային միութեան Սեւծովեան տարածաշրջանի կոմիտէի լիիրաւ անդամ ըլլալուն, Միջերկրական կոմիտէի ժողովի մասնակցութեան իրաւունք չունէր Հ.Յ.Դ. Երիտասարդականը: Շնորհիւ հետեւողական աշխատանքի եւ Ընկերվարական երիտասարդներու միջազգային միութեան նախագահութեանը ներկայացուած նամակ-դիմումի, որում մասնաւորապէս նշուած էր Հ.Յ.Դ. Երիտասարդականի ներկայութիւնը Միրջերկրական տարածաշրջանի շարք մը երկիրներէ ներս եւ գործօն դերակատարութիւնը, Հ.Յ.Դ. Երիտասարդականին առաջին անգամ հնարաւորութիւն ընձեռուեցաւ մասնակցելու Ընկերվարական երիտասարդներու միջազգային միութեան Միջերկրական կոմիտէի ժողովին մէկ ներկայացուցչով: Լիբանանէն ներկայացուցիչն էր Ցոլեր Աղճեան:
Ժողովի ընթացքին մասնակիցները հետեւեցան դասախօսութիւններու՝ «Կիպրոսի հարցը եւ ներկայ իրավիճակը», «Կիպրոսի ւրքական հատուածում կանանց իրաւունքները», «Թուրքիոյ մէջ պետական հարուածի փորձէն ետք տիրող իրավիճակը» թեմաներով, քննարկուեցին Արեւմտեան Սահարայի, Պաղեստին-իսրայէլական հարցերը: Ներկայացուեցաւ Կիպրոսի երիտասարդական խորհրդի գործունէութիւնը, որուն կ՛անդամակցին Կիպրոսի երկու հատուածներու կառավարական եւ ոչ-կառավարական երիտասարդական կազմակերպութիւններ, ինչպէս նաեւ Հ.Յ.Դ. Կիպրոսի երիտասարդական միութիւնը:
Խորհրդաժողովի աւարտին, իւրաքանչիւր մասնակից շրջան ներկայացուց իր կազմակերպութեան գործունէութիւնը: Հ.Յ.Դ. Երիտասրադականի ներկայացուցիչը իր ելոյթում անդրադարձաւ ոչ միայն Լիբանանի երիտասարդական միութեան, այլ նաեւ Միջերկրական տարածաշրջանում գործող Հ.Յ.Դ. երիտասարդական միութիւններու աշխատանքներուն:

Be the first to comment

Leave a Reply

Your email address will not be published.


*