Ուաշինկթընի Եւ Նիւ Եորքի Մէջ.- Ի Նպաստ Լրագրող Լափշինի Ցոյցեր՝ Պելոռուսիոյ Դիւանագիտական Ներկայացուցչութիւններուն Մօտ

Անցեալ Շաբաթավերջին, Հայ Դատի յանձնախումբը Ուաշինկթընի եւ Նիւ Եորքի մէջ Պելոռուսիոյ դիւանագիտական ներկայացուցչութիւններու մօտ բողոքի ցոյցեր կազմակերպեց, պահանջելով անյապաղ եւ առանց նախապայմաններու ազատ արձակել յայտնի լրագող Ալեքսանտր Լափշինը:
Ցոյցերուն մասնակիցները իրենց զայրոյթը արտայայտեցին Ատրպէյճանի կողմէ լրատուամիջոցներու եւ լրագրողներու դէմ շարունակուող բռնութիւններուն առնչութեամբ` ընդգծելով, որ Լափշին այդ քաղաքականութեան վերջին զոհն է:
Այս մասին, խօսք առնելով, Արեւելեան Ամերիկայի Հայ Դատի յանձնախումբի ատենապետ Սթիւ Մեսրոպեան յայտնեց.- «Մենք խստօրէն կը դատապարտենք ազատ ու անկախ Արցախի Հանրապետութիւն այցելած լրագրողներն ու անհատները լռեցնելու կամ վախցնելու որեւէ փորձ: Ազրպէյճանն ու Պիելոռուսիան Եւրոպայի վերջին բռնապետութիւններն են, եւ մեզի համար բացարձակապէս անընդունելի է լրագրողները լռեցնելը` մարդու իրաւունքներու պաշտպանութեան համար խօսելնուն կամ ազատ ու ժողովրդավարական Արցախի Հանրապետութեան աջակցութիւն յայտնելնուն համար: Մենք կը յորդորենք նաեւ Միացեալ Նահանգներու կառավարութեան խիստ դիրքորոշում որդեգրել այս հարցին մէջ` ի նշան համերաշխութեան Լեռնային Ղարաբաղի Հանրապետութեան ժողովուրդի հետ, որ շրջանին մէջ մեր ժողովրդավար եւ վստահելի դաշնակիցն է»:

Be the first to comment

Leave a Reply

Your email address will not be published.


*