Ցուցահանդէս՝ «Արարատը Հայի Աչքերով»

p14 bis3

ԵՐԵՒԱՆ.- Հ.Հ. մշակոյթի եւ սփիւռքի նախարարութիւններու հովանաւորութեամբ, «Թէքէեան» Կեդրոնէն ներս բացումը կատարուած է «Արարատը Հայի Աչքերով» խորագիրը կրող շարժական լուսանկարչական ցուցահանդէսին՝ նուիրուած Հ.Հ. Անկախութեան հռչակման 25-ամեակին:p14 bis4
Ցուցահանդէսի մասնակիցներն են ազգութեամբ հայ լուսանկարիչներ՝ Հայաստանէն, Ռուսաստանէն, Ֆրանսայէն, Պրազիլիայէն եւ Միացեալ Նահանգներէն: Ցուցադրուած 32 գործերը կը ներկայացնեն հայ ազգի խորհրդանիշ Արարատ լեռը արուեստագէտներու ընկալումներով:
Ցուցահանդէսի բացման հանդիսութեան ներկայ էին Հ.Հ. մշակոյթի նախարար Յասմիկ Պօղոսեանը, Հ.Հ. Սփիւռքի նախարարության ներկայացուցիչներ, եւ հիւրեր:
Հայ լուսանկարիչ Վահան Քոչարը, անդրադառնալով ցուցահանդէսի գաղափարին, համոզմունքով նշեց, որ անիկա պէտք է ունենայ շարունակութիւն՝ «Արարատը Աշխարհի Աչքերով», եւ դառնայ միջազգային ցուցահանդէս ու շրջի զանազան քաղաքներ:
«Արարատը Հայի Աչքերով» ցուցահանդէսը պիտի շարունակուի մինչեւ Յունիս 30, եւ այնուհետեւ պիտի ներկայացուի Արցախի մէջ:

Be the first to comment

Leave a Reply

Your email address will not be published.


*