Փաթրիք Տէւէճեան` Պսակաձեւ Ժահրի Զոհ

0 0
Read Time:1 Minute, 20 Second

ՓԱՐԻԶ.- Ֆրանսայի հանրապետութեան նախկին նախարար, Անթոնի շրջանի նախկին քաղաքապետ եւ ներկայիս Հօ տը Սէնի Նահանգային խորհուրդի նախագահ Փաթրիք Տէւէճեան, որ վարակուած է պսակաձեւ ժահրով եւ քանի մը լօր առաջ հիւանդանոց փոխադրուած էր, մահացաւ Մարտ 29-ի առաւօտեան վաղ ժամերուն: Հակառակ բժիշկներու կատարած հոգատարութեան, 75-ամեայ Տէւէճեան չկրցաւ դիմադրել եւ սուգի մատնեց Ֆրանսայի քաղաքական միջավայրն ու յատկապէս ֆրանսահայութիւնը:

Տէւէճեանի մահով հայ ժողովուրդը կը կորսնցնէ՝ իր իրաւունքներու պաշտպանութեան նուիրուած անխոնջ մարտիկ մը, որ գրեթէ քառասուն տարի հաւատարմօրէն ծառայեց Հայ Դատին եւ անոր միջոցով՝ իրաւունքի եւ արդարութեան համամարդկային արժէքներուն:

Այս առթիւ, Մարտ 29-ին Հայ Յեղափոխական Դաշնակցութեան Արեւմտեան Եւրոպայի Կեդրոնական Կոմիտէն ցաւակցագիր մը լոյս ընծայեց, յայտնե;ով.-

Քորոնա ժահրը այս առաւօտ խլեց կեանքը Ֆրանսայի քաղաքական բեմի փայլուն դէմքերէն, արդարութեան նախկին նախարար, նախկին երեսփոխան եւ Անթոնիի քաղաքապետ, Հօ տը Սէնի նահանգապետ, անուանի փաստաբան եւ Հայ Դատի, Հայաստանի ու հայութեան անխոնջ նուիրեալ ՓԱԹՐԻՔ ՏԷՒԷՃԵԱՆի:

Կարկառուն գործիչը իրաւամբ, միշտ գտնուած է ֆրանսահայ համայնքի մղած ազգային-քաղաքական հաւաքական պայքարներու առաջին գիծին վրայ, յատկապէս Հայոց Ցեղասպանութեան ճանաչման հարցով:
Սակայն, յանուն Հայ Դատի պայքարի անոր մեծագոյն ներդրումը եղաւ 1982 թուականին, Էքս-Ան-Փրովանսի մէջ Հրայր Քիլինճեանի պատմական դատավարութեան ընթացքին իբրեւ փաստաբան իր տիրական պաշտպանութիւնը` հանրածանօթ մեթր Հանրի Լըքլէրի կողքին, որուն շնորհիւ « Հայկական Ցեղասպանութեան Արդարութեան Մարտիկներ»-ու կողմէ Զուիցերիոյ թուրք դեսպանին ահաբեկման ամբաստանութեամբ ձերբակալուած եւ բանտարկուած Հրայր Քիլինճեան անպարտ կը հռչակուէր եւ ազատ կ‘արձակուէր:
Փաթրիք Տէւէճեան իր նկատառելի ներդրումը ունեցաւ նաեւ Հայաստանի զարգացման ու բարգաւաճման գործընթացին մէջ, յատկապէս երկրագործական ու գիւղատնտեսական մեծ օժանդակութիւններ տրամադրելով ու ապահովելով Տաւուշի մարզին:
Հայութիւնը ընդհանրապէս եւ ֆրանսահայութիւնը մասնաւորապէս կը կորսնցնէ ու կը սգայ իր արժանաւոր զաւակին մահը:
Մեր խորազգած ցաւակցութիւնները կը փոխանցենք մեր համայնքին, ինչպէս նաեւ` Տէւէճեան ընտանիքին ու բոլոր հարազատներուն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Համաշխարհային Շտապ Օժանդակութեան Զօրաշարժ Հ.Օ.Մ.-ի Կողմէ
Next post Խօսք` Ընդ Ամենակալին

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles