Ամերիկայի Հայ Դատի Յանձնախումբը Կ՛ողջունէ Հայաստանի Տրամադրուած 60 Միլիոն Տոլար Օժանդակութիւնը

ՈՒԱՇԻՆԿԹԸՆ․- Ամերիկայի Հայ դատի յանձնախումբը ողջունեց Հայաստանի Հանրապետութեան մէջ Միացեալ Նահանգներու դեսպանատան այն յայտարարութիւնը, թէ դեսպանատան` երկրին տրամադրած օժանդակութիւնը 2019-ին 60 միլիոն տոլար պիտի ըլլայ:

Հայաստանի մէջ Միացեալ Նահանգներու դեսպանատան մամլոյ ծառայութիւնը հաղորդած էր, թէ 2019-ին Միացեալ Նահանգներու ելեւմտական օժանդակութեան չափը աւելցած է 40 առ հարիւրով:

«Միացեալ Նահանգները վերջին 27 տարիներուն աջակցած են Հայաստանի ժողովրդավարական հոլովոյթներու եւ հաստատութիւններու զարգացման, եւ մենք մտադիր չենք փոխել զայն յատկապէս հիմա, երբ ժողովրդավարութիւնը, առաւել քան երբեւէ, ամուր է Հայաստանի մէջ: Ճիշդ այս պատճառով ալ հպարտութեամբ կը հաստատենք, որ այս տարի աջակցութիւնը կը կազմէ աւելի քան 60 միլիոն տոլար», յայտնեց Հայաստանի մէջ Միացեալ Նահանգներու դեսպան Լին Թրէյսի:

«Մենք կ՛ողջունենք դեսպան Թրէյսիի յայտարարութիւնը, թէ 2019-ի ելեւմտական տարուան ընթացքին Հայաստանին տրամադրուած օգնութիւնը պիտի գերազանցէ 60 միլիոն տոլարը, անոր համաձայն, 40 առ հարիւրով աւելի քան նախորդ տարի», յայտնեց Ամերիկայի Հայ դատի յանձնախումբի գործադիր տնօրէն Արամ Համբարեան:

Be the first to comment

Leave a Reply

Your email address will not be published.


*