Երեւանի Պետական Համալսարանի Հիմնադրութեան Հարիւրամեակի Նշում

ԵՐԵՒԱՆ․- Սեպտեմբեր 27-ին, տեղի ունեցաւ Երեւանի պետական համալսարանի հիմնադրութեան հարիւրամեակին նուիրուած հանդիսութեան, Հայաստանի Հանրապետութեան նախագահ Արմէն Սարգսեանի եւ վարչապետ Նիկոլ Փաշինեանի մասնակցութեամբ։ Հանրապետութեան նախագահը պարգեւատրեց եւ մետալներ շնորհեց համալսարանին մէջ իրենց աւանդը ունեցած դասախօսներուն եւ պատասխանատուներուն:

Իսկ վարչապետ Նիկոլ Փաշինեան իր խօսքին մէջ մաղթեց, որ յառաջիկայ 10 տարուան ընթացքին Երեւանի պետական համալսարանը հասնի աշխարհի լաւագոյն 500 համալսարաններու կարգին:

«Կը մաղթեմ, որ մեր միացեալ աշխատանքին միջոցով ի վիճակի ըլլանք վերականգնել ԵՊՀ-ի երբեմնի փառքը, մեծութիւնը. եւ ասիկա պէտք է արտայայտուի յստակ արդիւնքներով: ԵՊՀ-ն յառաջիկայ 10 տարիներուն ընթացքին պէտք է տեղ գտնէ աշխարհի լաւագոյն համալսարաններու առաջին 500-ի շարքին, այս նպատակով պէտք է մէկտեղենք մեր ուժերն ու համալսարանը դարձնենք Հայաստանի մէջ միտքի, գաղափարներու, ստեղծագործականութեան յառաջատար, հիմնական ուժ», ըսաւ վարչապետ Փաշինեան:

Be the first to comment

Leave a Reply

Your email address will not be published.


*