“ԻՄ ՀԱՅԱՍՏԱՆ“ ՓԱՌԱՏՕՆԸ ՊԱՇՏՕՆԱՊԷՍ ԲԱՑՈՒԵՑԱՒ

0 0
Read Time:1 Minute, 41 Second

 Յունիս 29-ին, Երեւանի »Քասքատ« համալիրին մէջ, տեղի ունեցաւ “Իմ Հայաստան“ համահայկական փառատօնի հանդիսաւոր բացման արարողութիւնը:

Ներկայ էին Հայաստանի կառավարութեան անդամներ, Հայաստանի Ազգային ժողովի պատգամաւորներ, պետական, մշակութային գործիչներ,  մտաւորականներ եւ այլ հիւրեր: Փառատօնի բացումը ազդարարեց Հայաստանի Հանրապետութեան սփիւռքի նախարար Հրանուշ Յակոբեան, որ ըսաւ. “Այսօր տօն է հայոց մայրաքաղաքում, աշխարհի տարբեր երկրներից հայրենիք են ժամանել երիտասարդներ` միասնաբար տօնելու մի մեծ փառատօն: Սիրով ու ջերմութեամբ ասում եմ` բարով էք եկել հայրենիք: Դուք տարբեր երկրներում ձեր հանգիստը, ազատ ժամանակը նուիրում էք հայ արուեստին, մշակոյթին, երգ ու պարի միջոցով փորձում էք հաւատարիմ մնալ ձեր արմատին, ձեր ինքնութեանը, ձեր հայ լինելուն: Շնորհակալ ենք ձեզ դրա համար: Այս օրերին Երեւանում, մարզերում, Արցախում դուք հանդէս էք գալու համերգներով, հանդիպելու էք ձեր հասակակիցներին, հայրենակիցներին, ես հաւատում եմ, որ ամէն մի օրը յիշարժան է դառնալու, նաեւ վստահ եմ, հաւատում եմ, որ հայրենիքից ուժ էք առնելու, հայրենի բորբ արեւից նոր ջերմութիւն էք ստանալու եւ այդ կայծը ձեր հոգում ամբարած, գնալու էք սփիւռք եւ բոցավառելու էք սփիւռքը, աւելի էք մօտեցնելու Հայաստանին“:

Սփիւռքի նախարարի ելոյթին յաջորդեց համերգային ծրագիր:

Գեղեցիկ կատարումներով հանդէս եկան Միացեալ Նահանգներէն “Գէորգեաններ“ պարարուեստի ակադեմիայի, Վրաստանէն “Ջաւախք“, Ուքրանիայէն “Արմենիա“, “Արաքս“, Ռուսիայէն “Հայասա“, “Արին-բերդ“, “Հայաստանի ծաղիկներ“, “Տարօն“, Քանատայէն` “Էրեբունի“, Նիժնի Նովկորոտէն “Նայիրի“ պարախումբերը: Փառատօնի մասնակիցներուն ողջունեցին նաեւ հայ երգիչ-երգչուհիները:

“Իմ Հայաստան“ համահայկական փառատօնը հայրենիքի մէջ հայ մշակոյթի տօն պիտի ըլլայ, եւ  շարունակական բնոյթ պիտի կրէ:

փառատօնի ընդհանուր մասնակիցներու թիւը 1300-էն աւելի է: Առաջին անգամն է, որ փառատօնը կազմակերպուած է ոչ թէ միայն մէկ շաբթուան, այլ` վեց ամսուան ընթացքին եւ բաժնուած է ըստ արուեստի ճիւղերու:

Փառատօնի նպատակներն ու խնդիրներն են Հայաստան-Արցախ-սփիւռք կապերու եւ համագործակցութեան կարելիութիւններու ընդլայնումը, նաեւ նպաստել հայ մշակոյթի եւ մշակութային ինքնութեան պահպանման ու զարգացման, աջակցիլ համագործակցութեան նոր ձեւաչափերու ձեւաւորման, Հայաստանի եւ սփիւռքի երիտասարդ ստեղծագործողներու միջեւ մշակութային կապերու խորացման, սատարել համատեղ ծրագիրներու մշակման եւ իրականացման, օժանդակել ժամանակակից հայ արուեստի զարգացման ու գովազդման, նպաստել մշակոյթի մարզին մէջ համահայկական մասնագիտական ներուժի յայտնաբերման ու համախմբման:

Փառատօնի ընթացքին խումբերը համերգային ծրագիրներով հանդէս կու գան ոչ միայն Երեւանի  մէջ, այլեւ Շիրակի, Լոռիի, Տաւուշի, Գեղարքունիքի, Արագածոտնի, Արմաւիրի, Սիւնիքի, Կոտայքի, Արարատի, Վայոց ձորի մարզերուն եւ Արցախի Հանրապետութեան մէջ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՐՑԱԶՐՈՅՑ.- “ՅԱՌԱՋԻԿԱՅ ՏԱՐԻՆԵՐՈՒՆ ԿԸ ՓԱՓԱՔԻՆՔ ԱՒԵԼԻ ՄԵԾ ԹԻՒՈՎ ԱՇԱԿԵՐՏՆԵՐ ԸՆԴՈՒՆԻԼ…“, ԿՒ ՅԱՅՏՆԷ ՊՈՍԹԸՆԻ ՍՈՒՐԲ ՍՏԵՓԱՆՈՍ ՎԱՐԺԱՐԱՆԻ ՏՆՕՐԷՆՈՒՀԻ` ՀՈՒՐԻ ՊՈՅԱՄԵԱՆԻ ՀԵՏ
Next post “ՇԱՏԵՐ ԿԸ ՓՈՐՁԵՆ Հ.Յ.ԴԱՇՆԱԿՑՈՒԹԵԱՆ ՄԷՋ ԽՆԴԻՐՆԵՐ ՍՏԵՂԾԵԼ…“ ԿԸ ՅԱՅՏՆԷ ՀՐԱՆԴ ՄԱՐԳԱՐԵԱՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles