ԽՄԲԱԳՐԱԿԱՆ.- ՀԱՄԱԼՐԱՏՈՒԱԿԱՆ ՀԱՄԱՇԽԱՐՀԱՅՆԱՑՈՒՄ

0 0
Read Time:1 Minute, 16 Second

Հայաստանի Հանրապետութեան Սփիւռքի նախարարութեան կազմակերպած հինգերորդ համաժողովը, մասնակցութեամբ զանգուածային էր, իսկ իբրեւ համահայկական ժողով…համաշխարհայնացման մակարդակի հաւաք մըն էր:

Կազմակերպուած ձեւն ալ այնպէս մը կատարուած էր, որ համաժողովը դիւրութեամբ ինկած էր համաշխարհայնացման, այսինքն կլոպալիզացիայի գիրկը կամ աւելի ճիշդը ծուղակին մէջ:

Արդեօ՞ք կարելի էր այս զանգուածային համաշխարհայնացման «ցունամի»ին դէմ պայքարիլ: Պատասխանը…զարմանալիօրէն կարելի է «Այո’»ով, եւ այդ ալ կրկնելու կարեւորութեամբ, շեշտակի «Այո»ով մը գոհանալ ու բաւարարուիլ:

Գէթ, համաժողովի մթնոլորտէն դուրս գալով եւ փոխանակ միացեալ ու զանգուածային ներկայութեամբ քննարկումներ կատարելու, կարելի էր փոքր մասնագիտացած խմբակներու բաժնուելով, ստեղծել տասնեակ մը ենթայանձնախումբեր, որոնք փոխանակ ամէն բանով…եւ հետեւաբար ոչինչով զբաղուելու եւ մտահոգուելու, կրնային իրենց նախընտրած յատուկ նիւթերով, բնագաւառով եւ գործունէութեան դաշտով զբաղուիլ եւ փոխանակ բազմիցս հպանցիկ քննարկումներ կատարելու, խոր ուսումնասիրութիւններ, զտումներ եւ պեղումներ կատարել:

Այսպէս, համաժողովը եթէ նման կեդրոնացեալ ոճով ժամավաճառ եղած չըլլար եւ որդեգրած ըլլար սոյն ապակեդրոնացեալ «think thank» յանձնախումբերու գործելաոճը, փոխանակ  ապագայի գործելադաշտի ապահովումը կիրարկելու եւ առաջադրանքներ կատարելու, արդէն իսկ քննած պիտի ըլլար յառաջիկայ երկու տարիներու քննուելիք հարցերն ու ըստ այնմ որդեգրուելիք գործընթացը, սկսելով Հայկական ազգային պետականութեան ամրապնդումէն եւ հզօրացումէն, անցնելով Հայոց Ցեղասպանութիւնը որպէս համաշխարհային ոճրագործութեան ճանաչման« ապա Արցախի հիմնահարցի խաղաղ եւ արդարացի կարգաւորումն ու  պետականութեան միջազգային ճանաչումը« նաեւ հայկական հարցերու շուրջ միջազգային հանրութեանը տեղեկատուութեան նպատակով ներգործօն լրատուամիջոցներու ստեղծումը, հայ ժողովրդի պատմական եւ մշակութային ժառանգութեան պաշտպանութիւնը« Հայաստան  Արցախ – Ջաւախք  Սփիւռք միասնութեան հզօրացումը«  ապագայ սերունդի հայեցի դաստիարակութիւնը« կրթութիւնը եւ մայրենիի անաղարտութիւնը« հայկական տեղեկատուական անվտանգութեան ապահովումը« համահայկական տեղեկատուական համակարգերու ստեղծումը « ազգային արժէքներու համակարգուած ներկայացումն ու քարոզչութիւնը« հակահայկական քարոզչութեան համակարգուած դիմագրաւումը եւ անշուշտ հայ լրագրողներու համագործակցութեան յետագայ սերտացումը« անոնց մասնագիտական պատրաստումն ու վերաորակաւորումը: 

                                                                                                    «Հայրենիք»

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՅ ՕԳՆՈՒԹԵԱՆ ՄԻՈՒԹԵԱՆ 100-ԱՄԵԱԿԻ ՏՕՆԱԿԱՏԱՐՈՒԹԻՒՆ ՖԻԼԱՏԵԼՖԻՈՅ ՄԷՋ
Next post 25 ՏԱՐՈՒԱՆ ԴԱԴԱՐԷ ՄԸ ԵՏՔ…ՏԵՂԻ ՈՒՆԵՑԱՒ Հ.Յ.Դ. Ա.Մ.Ն. ԱՐԵՒԵԼԵԱՆ ՇՐՋԱՆԻ ԸՆԴՀԱՆՈՒՐ ԲԱՆԱԿՈՒՄ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles