ՏԻԹՐՈՅԹԻ «ՇԱՔԷ» ՄԱՍՆԱՃԻՒՂԻ ՄԻՋԻՆՔԻ ՏԱՐԵԿԱՆ ՁԵՌՆԱՐԿԸ

Ձախէն աջ՝ ընկհ. Սիլվարդ Թէլպէլեան, Մէրի Տաւիտեան եւ Շրջանային Վարչութեան ներկայացուցիչ՝ ընկհ. Անի Աթթար
Ձախէն աջ՝ ընկհ. Սիլվարդ Թէլպէլեան, Մէրի Տաւիտեան եւ Շրջանային Վարչութեան ներկայացուցիչ՝ ընկհ. Անի Աթթար

Հայ Օգնութեան Միութեան Տիթրոյթի «Շաքէ» մասնաճիւղը, Մարտ 14ին ունեցաւ իր միջինքի ճաշկերոյթը, Սուրբ Սարգիս եկեղեցւոյ յարակից «Լիլիըն Առաքելական» սրահին մէջ: Օրուան հանդիսավարն էր մասնաճիւղիս երիտասարդ անդամնուհիներէն ընկերուհի՝ Անի Փիլիպոսեան:
Ընկերուհի Անի նախ հրաւիրեց Սբ. Սարգիս եկեղեցւոյ հոգեւոր հովիւ Տէր Տարօն Ստեփանեանը, որ կատարեց Պահքի համեղ ճաշերու օրհնութիւնը: Ճաշի սպասարկութենէն ետք ընկերուհի Անի ներկայացուց պատւոյ սեղանի հիւրերը եւ ապա խօսեցաւ »Շաքէ« մասնաճիւղի տարեկան գործունէութեան մասին.
-Մասնաճիւղս նեցուկ կ’ըլլայ Հ.Օ.Մ.ի Տիթրոյթի Զաւարեան միօրեայ վարժարաններուն:
-Կը շարունակէ խնամակալել Հայաստանէն որբ մը, որ որդեգրած էր տարիներ առաջ:
-Կրթանպաստ կու տայ Ղարաբաղէն համալսարանական ուսանողի մը:
-Իր բաժինը կը բերէ Հ.Օ.Մ.ի ծրագիրներու իրագործման:
-Կը քաջալերէ եւ նիւթական օժանդակութիւնը կը բերէ գաղութիս քոյր կազմակեր-պութիւններուն զանազան նպատակներու համար:
Ընկերուհի Անին բեմ հրաւիրեց Հայաստանէն Միշիկըն հաստատուած, թաւ ջութա-կարուհի տիկին Լուսինէ Պետրոսեան, որ հմայեց ներկաները իր երաժշտութիւնով: Նաեւ ներկաները, մանաւանդ փոքրիկները շատ զուարճացան կախարդական (magic show) ցուցադրութիւնով մը:
Այս երեկոյ մասնաճիւղս պատուեց ընկերուհի Մէրի Տաւիտեանը, ուստի ընկերուհի Անին բեմ հրաւիրեց ատենապետուհի ընկերուհի Սիրվարդ Թէլպէլեանը, որ հակիրճ կերպով ներկայացուց ընկերուհի Մէրի Տաւիտեանի 60 տարիներէ աւելի նուիրումն ու ծառայութիւնը Հայ Օգնութեան Միութեան: Ապա ընկերուհի Սիրվարդ հրաւիրեց Շրջանային Վարչութեան ներկայացուցիչ ընկերուհի Անի Աթթարը, որ մասնաճիւղիս կողմէ յանձնեց յուշատախտակ մը ընկերուհի Մէրի Տաւիտեանին: Ան յուզումով եւ հրճուանքով շնորհակալութեան խօսք ուղղեց իր մասնաճիւղի անդամուհիներուն եւ ներկաներուն: Օրուան խանդավարութենէն մղուած մասնաճիւղս ստացաւ նուիրատուութիւններ:
Յատուկ շնորհակալութիւն բոլոր նուիրատուներուն, ներկաներուն եւ վիճակահա-նութեան սիրայօժար նուէրներ տրամադրողներուն. ի մասնաւորի շնորհակալութիւն բոլոր ընկերուհիներուն, որոնց յարատեւ նուիրումին ու ժրաջան աշխատանքին շնոր-հիւ ունեցանք շատ կոկիկ ու յաջող ձեռնարկ մը: Փակման աղօթքը կատարեց Հայ Կաթողիկէ Եկեղեցւոյ վարդապետը, Տէր Անտոն Ադամեան:

»Շաքէ« Մասնաճիւղէն ընկերուհի մը

Be the first to comment

Leave a Reply

Your email address will not be published.


*