0
0
Տարօն Աճեմօղլու արժանացաւ տնտեսագիտութեան բնագաւառի Նոպէլեան մրցանակին։ Ան այս մրցանակը տիրացաւ տնտեսագէտ Ճէյմզ Ռապինսընի եւ հետազօտող Սայմըն Ճանսընի հետ։
Աճէմօղլու եւ Ռապինսըն «Why Nations Fall» («Ինչո՞ւ Պետութիւնները Կը Ձախողին») հանրածանօթ գիրքի հեղինակներն են։
Նոպէլեան մրցանակի յանձնախումբը կը տեղեկացնէ, թէ երրեակը մրցանակին արժանացած է երկրի մը բարգաւաճման մէջ ընկերային բնոյթի հիմնարկութիւններուն կարեւորութիւնը ցոյց տալուն համար:
Աճէմօղլու ծնած է Պոլիս 1967-ին եւ զաւակն է Արամեան վարժարանի նախկին տնօրէնուհի հանգուցեալ բանաստեղծ Իրմա Աճէմօղլուի եւ հանգուցեալ իրաւաբան Գէորգ Աճէմօղլուի։ Նախնական ուսումը Գատըգիւղի Արամեան-Ունճուեան վարժարանին մէջ ստանալէ ետք, ան 1986-ին աւարտած է Պոլսոյ Կալաթասարայի վարժարանը, որմէ ետք ուսումը շարունակած է Անգլիոյ «Եորք» համալսարանի տնտեսագիտութեան բաժինին մէջ։1992-1993-ին տնտեսագիտութիւն դասաւանդած է Լոնտոնի համալսարանին մէջ, իսկ 1993-էն սկսեալ համաշխարհային տնտեսագիտութիւն կը դասաւանդէ MIT (Մասաչուսէց) համալսարանին մէջ:
Աճէմօղլու Նոպէլեան մրցանակը շահող երկրորդ հայն է։ 2021-ին, բժշկագիտութեան բնագաւառին մէջ Նոպէլեան մրցանակին արժանացած էր կենսաբան, նեարդաբան լիբանանահայ-ամերիկահայ Արտեմ Փաթափութեան։
